, Əli
dözürdü. Amma bir qüvvə, hansısa bir qüvvə
Ayanı Əli ilə xoş danışmağa qoymurdu. Əli isə
bir əli belində dodaqlarını qaçıraraq ona əl
eləyirdi. Bu vaxt telefonunun zəng çaldığını hiss
eləyib tez əlini cibinə atdı. Zəngin Incidən
olması onu təəccübləndirmişdi.
Diş ağrısı dərmanı üçün aptek-aptek gəzən
Asya nəhayət apteklərdən birindən dərmanı
tapmış və alan kimi də satıcıdan bir stəkan su
xahiş edərək dərmanı elə oradaca içmişdi. İndi
də aptekdən çıxıb öz-özünə danışa-danışa
yoluna davam eləyirdi.
-Ay buna ağıl dişi deyənin... Ağrıdan adam
ağlını itirir. İki qram ağlım artacaq deyə iki
gecə yuxusuz qalmaq olar?
Bu vaxt bir qadının qabağından ötdüyü
xəstəxananın hasarına söykənib bir əli ilə ürəyini
tutduğunu görcək ayaq saxladı. Qadın simaca
ona tanı gəlsə də kim olduğnu aydınlaşdıra
bilmədi, nə olduğunu öyrənmək üçün
yaxınlaşdı.-Xala, yaxşısınız?
-Yaxşıyam a bala, yaxşıyam. Biraz ürəyim
sancdı.-Asya tanıya bilməsə də bu Əsli xala idi.
-Baxın, bura xəstəxanadır. İstəyirsiniz, ora
gedək?
-Bilirəm a bala, mən də elə bura gəlmişdim.
Oğlum bir aydır ki, burada yatır, komada idi.
Bayaq da zəng gəldi ki, ayılıb. Mən də evdən
necə çıxmışam, bir Allah bilir. Həyəcandan
ürəyim də dözmədi.
-Allah şəfa versin. Oğlunuza nə olmuşdu ki?
-Maşın vurmuşdu. Özü avtobus şoferi idi. Bir
zalımın qızı ağlını aldı başından.
Əsli xala danışdıqca Asya sanki onun da,
oğlunun da kim olduğunu başa düşməyə
başlayırdı. Çünki Mehdinin qəza keçirməsindən
də, komada olmasından da, və bütün bunlara
bir qızın səbəb olmasından da xəbərdar idi. Ona
görə də:
-Xala, sizin oğlunuzun adı Mehdi deyil? Mixaylo
da deyirlər?-deyə soruşdu.
-Hə, sən oğlumu haradan tanıyırsan?
-Biz sinif yoldaşı olmuşuq, xala. Mən Asyayam,
bəlkə yadınızda olar?
-Asya? Nə bilim, ay qızım, ağlımda o qədər şey
var ki. Sən elə deyirsənsə, elədir.
-Gedək onda, xala. Mən də Mixaylonu görmüş
olaram.-deyə Asya Əsli xalaya binanı göstərdi.
Beləcə onlar xəstəxanaya girib Mehdinin