yatdığı
mərtəbəyə qalxdılar. Tibb bacısı Mehdinin yuxarı
mərtəbəyə, palataya köçürüldüyünü dedi. Onlar
bir mərtəbə də yuxarı qalxıb həmin palatanı
axtarırdılar ki, bu vaxt dəhlizdə görünən Əli:
-Əsli xala, bura gəlin.-deyə onları səslədi.
Asyanı Əsli xalanın yanında görmək isə onu
təəccübləndirmişdi.
-Əli, oğlum necədir? Doğrudan ayılıb?-Əsli xala
sevinc qarışıq bir həyəcanla ona sarı gələ-gələ
soruşdu.
-Hə, hə, narahat olmayın, ayılıb, hər şey
yaxşıdır. Elə indicə yanından çıxmışam. Amma
balaca bir problem var.
-Nə problem? Əl-ayağı tutulub yoxsa?
-Yox, yox, heç yeri tutulmayıb. Prosto, qısa bir
müddətə yaddaşını itirib.
-Vay, vay, yetim balam, bəxtsiz balam, başına
bu da mı gələcəkdi?
-Qorxmayın ay Əsli xala. Mixaylo o boyda
ölümdən qayıdıb. Ömrlük deyil ki, bir
müddətlikdir. Sonra yavaş-yavaş hər şey
yadına düşəcək.
Bu vaxt dəhlizin başında İnci göründü.
Tənginəfəsliyi xəbəri eşidər-eşitməz olduğu
yerdən bura qədər bir nəfəsə gəlməsindən xəbər
verirdi. Əsli xala ilə Asyanın arxası ona tərəf
olduğundan onun ilk gördüyü Əli olmuşdu.
-Əli, nə yaxşı sən məndən tez gəlmisən? Mehdi
necədir?
-Az, sən yenə də buradasan?!-və eyni şeylər
yenə də təkrar olundu. Əsli xala yenə əsəbiləşib
İncinin üstünə düşdü.-Oğlum sənə görə ölümdən
qayıtdı, indi də yaddaşını itirib. Daha nə
istəyirsən, niyə gəlmisən? Onun nə hala
qoyduğuna tamaşa eləməyə gəlmisən?
-Yaddaşını itirib?-İnci təlaşla bir Əsli xalaya,
bir də Əliyə baxırdı. Vəziyyəti belə görən Əli
əvvəlcə Əsli xalanı sakitləşdirdi.-Əsli xala,
əsəbləşməyin, olan oldu, keçən keçdi. Əsas odur,
indi Mehdi yaxşıdır.-sonra üzünü İnciyə
tutdu.-Qorxulası bir şey deyil, həkim deyir ki,
bir müddətdən sonra hər şey yadına düşəcək.
Gəlin içəri keçək, sizi də görsün, bəlkə nəsə oldu.
-Bu qız içəri keçməyəcək!-Əsli xala həvəslə irəli
gələn İncinin qabağını kəsdi. Sonra ağlına nə
gəldisə-Ya da keçəcək, amma bir şərtlə!-deyib
İncini qolundan tutub kənara çəkdi.
İçəridə isə Mehdinin yanında