içəri qayıdıb əllərini ova-
ova narahat halda yerində vurnuxdu. Onu belə
görən Mehdi:
-Otur da.-deyə stulu işarə elədi.
-Oturum da.-İnci otursa da ona tərəf
baxmırdı.
-O qız doğrudan da mənim istədiyim qız idi?
-Hə, inanmırsan?
-Bilmirəm, ona qarşı heç nə hiss eləmirəm axı.
-Eləməzsən də, xatırlamırsan axı. Yavaş-yavaş
hər şey qaydasına düşəcək. Yaxşı, de görüm
özünü necə hiss eləyirsən?
-Özümü? Yad planetə düşmüş kimi. Təsəvvür
eləyirsən, özümü də xatırlamıram. Sənin adın
nə idi?
-İnci.
-İnci?-Mehdi gözlərini qıyıb xatırlamağa
çalışdı.-Elə bil nəsə...yox, heç nə yadıma
düşmədi. Bəs bizim aramız necə olub?
-Bizim? Necə olmalıdır ki?-İnci narahat halda
gözlərini qaçırdı.
-Mənə elə gəlir ki, biz çox yaxın olmuşuq. Çünki
sənin yanında özümü rahat hiss eləyirəm.
-Sənin həmişə məndən zəhlən gedib. Mənə
həmişə özündənrazı deyirdi. Elə mənim də
səndən zəhləm gedirdi.
-Doğrudan? Nə qəribədir, amma indi heç də elə
hiss eləmirəm. Bəs mən necə biri olmuşam?
-Zəhlətökən, çoxdanışan, çənə. Burnunu
soxmadığın iş yox idi.
-Vay, vay, nə pis adam olmuşammış? Amma
çalışaram, bundan sonra elə olmayım.
-Hmm, özünü düzəltsən, yaxşı olar. Mən də
yavaş-yavaş gedim, işlərim var.-deyə İnci
ürəyində həyəcan, üzündə süni təbəssüm ayağa
qalxdı.-Aramıza xoş gəldin.
-Yenə də gələcəksən?
-Bilmirəm, yəqin ki, yox. Çünki məşqlərim var, iş
qrafikim doludur. Sonra başqa vaxt yenə
görüşərik. Amma sevgilin tez-tez gələcək.
Bilirsən, sən onu çox sevmisən, hətta üç aya
yaxın ondan əl çəkməmisən. O da axırda məcbur
olub sənə hə deyib.-bunu deyərkən İncinin
gözləri dolmuşdu.
-Doğrudan? Bəs o indi məni sevir?
-Həm də çox. Nə isə e, gələndə özündən
soruşursan.-İnci tez gözlərini qaçırıb stuldan
aralandı.
-Çöldən birini göndər də, tək sıxılıram.
-Yaxşı, göndərərəm, hələlik.-İnci yüngülcə
dodaq qaçırıb ona elə eləyərək palatadan çıxdı.
Üzündəki sakit ifadənin əksinə, ürəyində
fırtınalar qopurdu. Sevməzkən ondan əl
çəkməyən oğlandan indi özü sevə-sevə