yoxdur?-
Dilşad xala ağlaya-ağlaya soruşdu.
-Yox, narahat olmayın, qanaxma əleyhinə
tədbirlər görmüşük.
Qabırğaları sıxıldığından tənəffüsündə də biraz
çətinlik var idi, ona görə də tənəffüs aparatına
qoşuludur.
-Necə olub bəs? Qardaşımı kim döyüb?
-Yaxşısı budur, bu barədə suallarınızı polisə
verəsiniz. Çünki hadisədən ilk bu polis xəbər
tutub.
-Bəli, mənə xəbər verdilər ki, xidmət ərazimə
yaxın yerdə üç-dörd nəfər bir nəfər vətəndaşı
döyür. Polis yoldaşımla tez özümüzü ora
çatdırdıq. Biz çatandan həmin adamlar bizi
görüb oradan uzaqlaşdılar. Indi
axtarışdadırlar, çox uzağa qaça bilməzlər.
Yaxınlaşanda gördük ki, orada vətəndaş
Xəlilovla yanaşı başqa bir oğlan da var. Huşsuz
halda yerdə yatırdı. Kim olduğunu aydınlaşdıra
bilmədik, çünki üstündən heç bir sənəd çıxmadı.
Amma sonra hadisə yerindən təxminən on beş-
iyirmi metr aralıda tərk edilmiş bir maşın aşkar
elədik. VAZ 21-15. Pəncərəsi açıq olduğundan
sənədlərinə baxa bildik. Təkcə sürücülük vəsiqəsi
var idi. Nəbiyev Hüseyn və Nəbiyev Əli Kamil
oğullarına məxsus vəsiqələr.
-Əli?!-Ayan əlini ağzına tutub ağlamsınaraq
qışqırdı.-Deməyin ki Əlidir!
-Bəli, odur.
-Yox! Bu necə olub bəs?
-Yaxşı, sakit ol.-Akif əmi əlini astaca qızının
kürəyinə sürtərək göz-qaş elədi. Sonra üzünü
həkimə tutub-Bəs o uşaq necədir?-deyə
soruşdu.
-Tanıyırsınız?
-Bəli, oğlumun dostudur.-dillənə bilməsə də
Dilşad xala tərs-tərs ərinə baxırdı.
-Onun alt çənə sümüyü sınıb, görünür ən çox
yumruq ona atılıb. Bir də yuxarı və aşağı
ətraflarında yüngül sıyrıqlar var.
-Bəs indi necədir?-Ayan yenə ağlamsınaraq
soruşdu.
-Stabildir, ikisi də bir müddət dincəlməlidir.
-Bəs oğlumu döyənlər kimlərdir? Mən, mənim
ailəm heç kimə dəyib-dolaşan adamlar deyilik.
-Araşdırırıq. Narahat olmayın, bir xəbər olan
kimi sizi də məlumatlandıracayıq.
-Oğlumu görə bilmərik?-Dilşad xala yenidən
soruşdu.
-Yox xanım, dedim ki, bir müddət
dincəlməlidirlər. Aşağıda yeməkxana var,
istəsəniz orada gözləyə bilərsiniz.
-Bəs