n dünənkinin davamı
olduğunu düşünüb narazı üz ifadəsi almışdı.
Mesajda isə sadəcə "Oyanmisansa vzv at,
danisaq" yazılmışdı. Mesajı oxuyan Asya öz-
özünə deyinməyə başladı.
-Oyanmısansa nədir, uje oyatdın. Guya nə
danışacaqsan, dünənki dır-dır davam eləyəcək
də.-Emilə qısa zəng atıb narahat halda geri
zəng eləməsini gözlədi. Çox gözləmədi də.
Tezliklə əlindəki telefonu titrəməyə başladı.-
Hə?-deyə soyuq şəkildə zəngi açdı.
-Sənin də sabahın xeyir. Sol ayağın üstdə
durmusan deyəsən?
-Yoox, sayəndə sol ayağım üstdə yatmışam.
-Asya, yaxşı da. Bismillah eləməmiş bu nə
acılıqdır? Səhər-səhər niyə kefimizi pozursan?
-Mən pozmasam, sən pozacaqsan da onsuzda.
Guya niyə zəng elədiyini bilmirəm? Məndən
dürüstlük gözləyirsən, dürüst olan da
döyməkdən betər eləyirsən. Dünən danışdıq, sən
dedin getmə, mən də dedim yaxşı. Daha niyə
zəng eləmisən?
-Arada bir nəfəs al, boğulacaqsan. Qulaq as,
gör nə deyirəm. Mənim dünənki hirsim sənə
deyildi, bu oyunu qurub səni də alət eləyən o
arvada idi. Sən də gərək həmin vaxt etiraz
eləyərdin. Hər nə isə... Dünən sənə dedim ki,
getməyəcəksən. Amma bütün gecəni fikirləşdim,
mən də o oğlanın yaşadıqlarını yaşaya
bilərdim, keçmişimdə kimin kim olduğunu
bilməyə bilərdim. Deməyim odur ki, onun
yaddaşı yerinə gələnə qədər sən onun yanına
gedib-gəlsən yaxşı olar.
-Nə, ələ salmısan məni? Birincisi, mən dünən
bunu sənə danışanda onun yanına gedib-
gələcəm demədim, sadəcə bil istədim. Mənim
onsuzda işim-gücüm var. Hər gün ora qaçası
deyiləm. Ikincisi də ki, sənə birdən-birə nə oldu
belə?
-Demədim nə oldu? Bir halda ki, oyunu o arvad
başladı, biz də davam eləyək. Bu gün günorta
hazırlaş, xəstəxanaya gedirik.
-Gedirik? Sən də gəlirsən?
-Hə, nədir, səni tək buraxacağımı fikirləşirdin
yoxsa?
-Deməzlərmi ki, bu kimdir yanına salıb
gətirmisən?
-Qardaşın.
-Qardaşım? Emil, bəsdir səncanı, məzələnmə.
-Mən məzələnmirəm, Asya, naaborod çox
ciddiyəm. Nədir, qızın qardaşı kürəkənini
görməyə gələ bilməz?
-Guya