, Allah işini avanda
eləsin. Amma onu deyim ki, asan olmayacaq.
-Sağol e, bacı, yaxşı dəstək olursan.
-Mən nə dedim ki? Deyirəm yəni mamanı da
başa düş. Asan deyil, birdən-birə belə bir şeyi
qəbul eləmək.
-Bilirəm, başa düşürəm, amma o da məni başa
düşsün. Xoşbəxt olmaq mənim də haqqım deyil?
-Əlbəttə haqqındır.-Gülnar gülümsəyərək biraz
ona yaxınlaşıb daha asta tərzdə-İnanmazsan
dünən bu xəbəri eşidəndən bəri Hüseyn çox
sevinclidir, amma mamaya bəlli eləmək istəmir.-
dedi. Sonra əlini qaynının çiyninə vuraraq-
Narahat olma, arxandayıq.-dedi.
-Çox sağolun. Gəl uşaqları götür, mən mama ilə
danışa bilim.-deyə Əli mətbəxdən çıxdı.
Məleykə xala oğlunu əlində məcməyi içəri girən
görcək gülməmək üçün özünü güclə saxladı.
Qaşqabağını açmayaraq özünü qucağındakı qız
nəvəsi ilə oynayırmış kimi göstərməyə çalışıd.
Əlinin arxasınca otağa girən Gülnar yemək
yedirmək bəhanəsi ilə balaca Kamillə Aytacı
götürüb otaqdan çıxdı. Əli isə həvəslə anasına
qulluq eləməkdə idi. Gözucu oğlunun bu
canfəşanlığını izləyən Məleykə xala ürəyində
onu o ki var danlayırdı.
-Nazına bax bunun, altdan-altdan baxmağına
bax.-çayları rahatlayan Əli gülə-gülə gəlib
anasının yanında oturdu.-Anaların ən gözəli
küsüb məndən?-deyə onun yanağından öpdü.
-Çəkil kənara, yaltaqlıq eləmə.-deyə Məleykə
xala əli ilə onu yana itələdi.-Sən mənim sözümü
yerə saldın. Nə etdin, elədin, Ayana da atkaz
elətdirdin.
-Mama, olmadı ki, belə. Qız özü dönə-dönə
dedi ki, istədiyi var, prosto sizə görə səsini
çıxara bilməyib. Görürsən ki, o da məni
istəməyibmiş. Ailəni biz quracaqdıqsa, biz də
bir-birimizi istəməyəndən sonra nə məcburdur?
-Mənə nağıl danışma. Qız istəmirdisə nişandan
əvvəl deyərdi, daha toya bir-iki ay qalmış yox.
-Deməli, ziyanın yarısından qayıtmaq da
kardır. Özün deyirdin ki, bizim xeyir
bildiklərimizdə şər, şər bildiklərimizdə xeyir var
deyə. Deməli, xeyirli deyilmiş ki, belə alınıb.
-El-camaat nə deyəcək? Qonum-qonşunun
üzünə necə çıxacam?-deyə Məleykə xala