i içəli qoyma.
-Yaxşı, amma əvvəl bunu yerinə uzadım.-deyən
Xatirə Ramini darta-darta yerinə gətirdi.-Sən
gəl, uzan yerinə. Əsəbləşmə, Xəyal düz deyir.
Heç nə sənin fikirləşdiyin kimi deyil.
-Bacı, heç olmasa sən yox da.
-Suss! Mən bir şey deyirəmsə bilib deyirəm.
Sakitləş və yeznənə qulaq as.
Beləcə Xatirə Ramini tənbehləyib və rahatlayıb
çölə çıxdı. Xəyal da Əlinin yerini rahatlaydı,
onu sakitləşdirib sonra stulu da götürərək iki
çarpayının arasında qoyub oturdu. Ramin isə
susmaq bilmir, çəkici eyni mıxa vurub dayanırdı.
Xəyal birtəhər onu sakitləşdirib bunu haradan və
necə öyrəndiyini xəbər aldı. Sonra bir-bir bu
hadisə ilə bağlı bildiklərini ona danışdı. Əlinin bu işdə yarı-yarıya günahsız olduğunu
dedi. Sonra bu məsələnin elə buradaca
bağlanmasını, dördündən başqa da heç kimin
bilməyəcəyinə dair ikisini də tənbehlədi. Xəyala,
Əlinin məsumluğuna inansa da, Ramin hələ ki,
özünü sındırmır, daxili peşmançılığını üzündəki
qəzəb ifadəsi ilə örtməyə çalışırdı.
Əsli xala ayaq üstdə, əlləri qoynunda
xəstəxananın pəncərəsinin qabağında
dayanmışdı. Fikirli idi. Gözlərini yola dikib
oğlunun bundan sonrakı taleyi barədə
düşünürdü. Həkimlər yaddaşının geri gələcəyini
deyirdilər, amma bunun nə vaxt olacağını
bilmirdilər. Digər tərəfdən onu narahat eləyən
bir məsələ də dünən uydurduğu yalan idi.
Yaddaşı qayıdandan sonra oğlu ona yalan
danışıldığını, əsl sevdiyi qızın İnci olduğunu
öyrənəndə nə necə reaksiya verəcəkdi? Bu onun
üçün ikinci sarsıntı olardı. Amma özü də buna
məcbur idi. İnci deyilən qızın oğlunu xoşbəxt
yox, əksinə, daha da bədbəxt eləyəcəyini
düşünürdü. Ona görə də belə bir xeyirxah yalana
ehtiyacı var idi. Asya haqqında düşünməyə
başladı. Bu qız ilk baxışdan ona xoş təsir
bağışlamışdı. Oğlu ilə də bir sinifdə
oxumuşdular, yəni, illərdir bir-birilərini
tanıyırdılar. Əsli xalaya görə "Pis olmazdı
əslində." Beləcə pəncərədən aralanıb düşüncəli
və ağır addımlarla palataya doğru getməyə
başladı. Pilləkənə çatmışdı ki, bu