z yeməyib. İndi yeznə
deyəcək ki, bu mənə yumruq atıb? Üfürsən,
yıxılar. Belə çəlimsiz olmağıma baxma, karate
üzrə çempionluğum var.
Sonuncu cümlə sanki Mehdiyə nəyisə xatırlatdı.
Bir anlıq gözlərini qıyıb nə olduğunu düşünməyə
başladı. Onun belə fikrə getdiyini görən Emillə
Asya tez bir-birilərinə baxdılar.Amma yenə də
alınmamışdı. Dünəndən bəri artıq dördüncü
dəfə idi ki, yaddaşı Mehdi ilə gizlənqaç
oynayırdı. Emilə baxıb eyni donuq ifadə ilə:
-Yox, tanıya bilmədim.-dedi.
-Nç, yox e, sən əməlli-başlı pozulmusan. Sənə
hər kim yumruq atıbsa məndən pis atıb.
-Yumruqdan olmayıb, avariya düşüb.-Asya
özünü saxlaya bilməyib nəhayət ki, dilləndi.
-Ay qız, evdə sənə nə dedim?!-Emil ona göz
ağartdı.-Demədim, mən söz verməmiş,
danışmayacaqsan?!
-Bağışla.-Asya (guya) məyus halda başını
aşağı dikdi. Əslində isə gülməmək üçün özünü
güclə saxlayırdı.
-Ay yeznə, ay yeznə.Sən də dayanıb-dayanıb
avariya düşməyə vaxt tapdın.Güclə məni yola
gətirmişdin, evlənəcəkdiniz, getdin, maşının
altına düşdün. İndi də deyirsən, tanımıram.
-Doğrudan? Mən həqiqətən də heç nə
xatırlamıram.
-Yox, yoox, belə "xatırlamıram"la aradan çıxa
bilməzsən ha.-Emil hədə dolu baxışlarla
barmağını silkələyib başını bulayırdı.-Bacımla
evlənəcəksən.-bunu eşidən Asya tez ona baxıb
təlaş və sual dolu baxışlarla başını buladı. Emil
isə ona əhəmiyyət verməyib sözünə davam
eləməkdə idi. Asyanın bir əlini tutub-Mənim
bacım mənim hər şeyimdir. Mən onu hər şeydən,
hamıdan qoruyuram. Səndən də qorumağa
çalışdım, amma gördüm ki, yox, sən məndən də
tərssən. Razılaşdım. Onu sənə vermişəmsə
deməli, sən seçilmiş adamsan. Ağıllı ol, elə
eləmə ki, xırmanda yabalaşmalı olaq.
Emilin dedikləri Mehdinin Asya ilə bağlı
narahatlığının üstünə indi də təlaş və qorxu
əlavə etmişdi.Yaddaşı yerinə qayıdıb Asya ilə
olan keçmişini xatırlamasa, ona qarşı nəsə hiss
eləməsə idi, necə olacaqdı? Onunla kor-koranə
evlənəcəkdi? Bəs İnci? İnci! Bu qız yenə də
haradan çıxdı?! Dilarə xala oğlunun