a qaçdım.-
Ayan stulu çəkib oturdu.-Ağrıların var?
-Belə də. Ağrılar heç qulağıma deyil. Bu gün
özüm öz əlimlə öz yoluma daş qoymuşam.
Aydan-ildən bir namaz qız mənə zəng eləmişdi,
onda da...-narazı ifadə ilə sözü başlayan
Ramin bacısının gözlərinin və fikrinin onda
olmadığını görüb-heyy, sən mənə qulaq
asmırsan?-deyə onun qolunu dartdı.
-Hə?! Qulaq asıram, kim zəng eləmişdi?
-Əli.-kinayə ilə başını bulayan Ramin eyni
ifadə ilə də-Kor olmusan e, vallah, gözünü necə
bağlayıbsa dünyadan xəbərin yoxdur. Arxanca
nə oyunlardan çıxır, heç bilmirsən də.-deyə
sözünə davam elədi.
-Nə oyunlar?-Ayan qaşlarını çatı təəccüblə ona
baxdı.
-İnci kimdir? Səhər açılandan telefonunu
dağıdır.
-İnci?-Ayan təlaşlanmış halda qaşlarını çatıb
düşünməyə başladı.
-Gördü ki, cavab vermir, sonra vatsapına yazdı.
Bayaqdan yazışırdılar. Heç məndən də çəkinmir
e.
-İnci tanış gəlir amma...-Ayan fikirli-fikirli
ayağa qalxıb masanın üstünə qoyulmuş Əlinin
telefonunu götürdü, ekranda iki vatsap mesajı
var idi.
“Oyy, ne pis olub.
Allah wefa versin”
Əvvəlki meesajlara da baxmağa başladı. İlk
mesaj İncidən gəlmişdi.
“Salam, bagislayin narahat edirem. Men
Mehdini sorusacaqdim. Bu gun yanina
getmisdiniz?”
Salam. Allah bagislasin. Yox, gede bilmemisdim.
Ele ozum de xestexanaliq olmusam.
Niye, ne olub ki?
Dunen axsam yungul bir qeza kecirmisem. Indi
xestexanadayam.
Aa, dogrudan? Indi yaxsisiniz?
Cenem sinib, danisa bilmirem.
Oyy, ne pis olub.
Allah wefa versin.”
Bütün bunları oxuyan Ayanın içinə gələn
rahatlıq üzünə də vurmuşdu. Kinayə və
məzəmmətlə qardaşına baxdı. -Ürəyin düşməsin, mən də deyirəm, nə deyir.
Mixaylonun istədiyi qızdır da, onu soruşur. O
vaxt Mixaylo komada olanda Əlidən nömrəsini
almışdı, tez-tez onu soruşmaq üçün. Əli
bunların hamısını mənə danışıb.-telefonu
yerinə qoydu.-Bəs sən nə bilmişdin?
-Nə bilim, dedim yəni xəbərin olsun.-Ramin pərt
olmuşdu.
-Narahat olma, o istəsə də məni aldada bilməz.
O qədər saf, o qədər təmiz insandır