öz-
özünə başını bulayırdı.
-Ay daa, mama, sən məni eşitmirsən? Mən bu
dəqiqə nə dedim?
-Sən məni eşidirsən ki, mən də səni eşidim? –
Məleykə xala tərs-tərs oğluna baxdı
-Mama, qurban olum, məni də başa düş.-Əli
anasının əllərindən tutub yalvarmağa başladı.-
Mən xalam qızını istəmirdim. Sənə oğlunun
xoşbəxtliyi lazımdır, ya qonum-qonşunun nəsə
deməyi?
-Yenə o qızın dalınca qaçacaqsan?-Məleykə
xala kinayə və məna dolu baxışlarla onun
gözünün içinə baxdı. Əlinin üzünə kədərli bir
təbəssüm qondu, gözlərini qaçırıb çiyinlərini
atdı.-Öz tərsliyini eləyəcəksən də, hə?
-Mama, qurban olum, məni başa düş.-Əlinin
səsi titrədi.
-Elə bilirsən başa düşmürəm, elə bilirsən mənim
ürəyim daşdandır? Mən sənə görə narahatam,
qorxuram! Mənim qız barədə pis fikrim yoxdur,
amma anası...Get bizim xəstəxnada
işləyənlərdən bir-bir soruş, biri onun barəsində
yaxşı söz desə, mən adımı dəyişəcəm. Bu
insanın girməyəcəyi cild, eləməyəcəyi pislik
yoxdur. Sən onu tanımırsan, ona görə də məni
başa düşmürsən.
Gözlərini stəkana dikən Əli öz-özünə kinayə ilə
gülümsəyib yüngülcə başını buladı. Lakin
anasına artıq bu iblislə tanış olduğunu deyə
bilmədi. Sonra dərindən köks ötürüb üzünü
yenidən anasına tutdu.
-Nə qədər pis insan olsa da, heç bir ana öz
övadının pisliyini istəməz. Bunu özün deyirdin
ki. Əgər Ayan da mənim kimi mübarizə
aparacaqsa, anası niyə onun qabağında dursun
ki?
-İnanırsan ki, aparacaq? O qızın ürəyini
haradan bilirsən?
-Mən şansımı sınayacam, ana. Sən yetər ki,
mənim yanımda ol, mənə xeyir-dua ver.
-Başqa çarəm var, guya?-Məleykə xala
bayaqkından fərqli olaraq gülümsəyərək oğlunun
saçlarını oxşadı.-Yaxşı, necə istəyirsən, elə də
elə. Amma sonra ağlaya-ağlaya üstümə gəlib
“Dilşad məni döydü.”demə.
-Döyməz, qorxma.-Əli başını anasının sinəsinə
qoydu. Gözlərini yumub dərindən köks ötürdü.-
Elə qorxuram ki, ana. İki gündür başıma
gələnlər elə bilirəm ki, yuxudur və mən də ən
gözəl yerini görməmiş oyadılacam.
-Qorxma, məni heç