. Hələ
müəllimlə dalaşmağını demirəm. Müəllim də
dirəşib ki, səni kəsəcəm, amma bu heç onun
vecinə də deyil. Heç mənə də qulaq asmır, indicə
dalaşıb çıxmışam yanından. Sizin bufetdədir,
boş-boş oturub. Qurban sənə, bir şey elə. İşinə
qarışmaq istəmirəm, amma heç olmasa
universitet qurtarana qədər ona “hə”de, başını
qat, yoxsa bu gedişlə göz görə-görə o özünü
məhv eləyəcək.
Bayaqdan susub maraq və narahatlıqla Elvinə
qulaq asan Leyla sonra ona baxıb sadəcə:
-Sən heç narahat olma.-dedi və qəti
addımlarla liftə doğru getməyə başladı. O
birinci mərtəbəyə çatıb liftdən düşəndə foyeyə
çatan rəfiqələri onu görüb maraq və təəccüblə
bir-birilərinə baxdılar. Leyla isə heç onlara fikir
vermədən foyedən çıxdı. Bufetə girdi. Kənan,
elə Elvinin dediyi kimi, üzündə küskün bir ifadə
masalardan birinin arxasında oturmuş,
telefonunu fırladırdı. Leyla eyni qəti
addımlarla ona yaxınlaşıb amiranə tərzdə:
-Elə bilirsən belə eləməklə mənim diqqətimi cəlb
eləyə biləcəksən?-dedi.
-Neyləyirəm ki, mən sənə?-içəri girəndə Kənan
onu görmüşdü və buna görə də ayağa qalxıb
laqeyd şəkildə dilləndi.
-Düz deyirsən, mənə heç nə eləmirsən, hər nə
eləyirsən, özünə eləyirsən. həqiqətən də siz
oğlanlar bəzən o qədər axmaq, o qədər aciz
olursunuz ki...deyirəm ay Allah nə yaxşı məni
oğlan yaratmamısan. Yəni, bir qız üçün bir qız
üçün bu qədər ilini, zəhmətini hədər eləməyə
dəyərmi, Kənan?!
-Bunu biraz da o qız fikirləşsin.
-Hələ bir minnət də qoyursan? Bax, sənə bir
köhnə tanış, dost kimi deyirəm. Tök bu daşı
ətəyindən! Ancaq özünə ziyan eləyirsən, sonra
çox peşman olacaqsan. Nə olar, biraz dərslərinə
fikir ver, axırıncı ilimizdir, bu qədər ilini hədər
eləmə. Məni də pis vəziyyətdə qoyursan.
-Sən istəmədiyin bir şeyə məcbur edilməyi
xoşlayırsan? Yox. Elə mən də xoşlamıram. Elvinin
xahişi ilə gəlib mənə dikl tökməkdənsə, get öz
dərslərini oxu.-Kənan artıq çöldə, əlləri cibində
narahat şəkildə içəri boylanan dostunu
görmüşdü.
-Tərsliyindən əl çəkməyəcəksən