Sonra incik
üz ifadəsi alaraq-Onsuzda sizdən küsmüşəm.
Gedirəm balamın yanına.-deyib yuxarı çıxmağa
başladı.
-Get, get, elə İkoşun da sənə oxşayıb, dayısı
kimi səbrsizdir.-aşağıdan yuxarı üzünü
turşudan Leyla sonra Sevilən göz vurub-Gözünün
odunu nə aldım ha. Xasiyyətini bilir, ona görə
də tez aradan çıxdı. Biz də gedək onun ajığına
çay dəmləyək.-dedi.
Sevil "Yaxşı" deyə başını yelləsə də narahat
baxışlarla yuxarı boylanırdı. Ürəyində də bir
narahatlıq baş qaldırmışdı. Görəsən, İsmayıl
həqiqətən ondan incimişdi?
Eyni avtobusa eyni dayanacaqdan, ayrı-ayrı
qapılardan minən Kənana Leyla həm avtobusun
basırıq olması, həm də fikirli olmaları
səbəbindən bir-birilərinin fərqinə yalnız mənzil
başına çatmağa üç-dörd dayanacaq qalmış
varmışdılar. Arxa oturacaqlardan birində
oturmuş Kənan qabaqda ayaq üstdə üzü
pəncərəyə dayanan Leylanı görüb yer vermək
üçün ayağa durub ona tərəf getmiş, qoluna
astaca toxunub başı ilə arxada oturmasını işarə
eləmişdi. Əvvəlcə diksinib Kənanı görməyinə
həyəcanlanan Leyla sonra razılıqla başını
yelləyib addım-addım arxaya doğru getmək
istəsə də həmin an avtobusa minən və boş yeri
görüb tez oturan orta yaşlı qadını görüb ayaq
saxlamışdı. Bu ikisinin də üzünə xəfif bir
təbəssüm gətirmiş, bir neçə saniyə bir-birilərinə
baxıb tez də gözlərini qaçırmışdılar. Qalan yolu
beləcə susaraq davam etmişdilər. İndi də
marşrutdan düşmüş, alaqaranlıq küçədə üz-üzə
dayanmışdılar. Kənan əlləri cibindən gözlərini
Leylaya dikmiş, o isə bu baxışlardan sıxılaraq
yerində vurnuxur, getmək istəyirdi. Nəhayət
Kənanın üzünə baxmadan ayaqlanaraq:
-Hələlik.-deyə dilləndi.
-Leyla,-lakin Kənan onun qolundan çəkib
saxladı,-nə qədər?
-Nə nə qədər?-Leyla yalnız indi onun üzünə
baxıb sual dolu baxışlarla ona baxdı.
-Aramızdakı bu Tom-Ceri oyunu nə qədər
davam eləyəcək? Məni sevdiyini bilirəm, amma
bu qürurunun, bu qədər nazının səbəbini anlaya
bilmirəm. Boynuna almırsan, amma bu gün
mənim üçün necə qorxduğunu gördüm. Az