asılıdır.-Leyla köks ötürdü.
-Mən sənə söz vermişəm, mən səni
buraxmayacam. Bircə sən bunu istəmə.
-Mən?-Leyla kinayə ilə gülümsünüb onun
gözlərinə baxdı.-Mənim neçə ildir bunu xəyal
elədiyimi bilirsən?
-Hər şey keçmişdə, keçmişdə də elə keçmişdə
qaldı. Bundan sonra bizim üçün ancaq gələcək
var. Birlikdə və xoşbəxt gələcək. Mənə
inanırsan?
-Sən inanmadığın birini sevə bilərsən? Sənə
inanıram, amma qorxuram. Sanki nəsə...
-Şşş,-ona sarı bir-iki addım yaxınlaşıb
barmağını dodaqlarının üstünə qoydu, sonra
saçlarına toxunub gözlərinə baxaraq,-
bismillahdan şəri çağırma.-dedi.-Əsas odur
indi yanımdasan, əsas odur bu xəyal deyil. Və
ən əsası da odur ki, mən səni sevirəm.
Sevinc əlində dəftər ayaqlarını yığmış
vəziyyətdə çarpayıda oturub nəyisə oxuyub
əzbərləməyə çalışırdı. Yorğun və fikrinin
dağınıq olduğu üçün də oxuduğunu tez-tez
unudur, əsəbiləşirdi. Yan masanın üstündəki
qələmi götürmək istəyərkən qələm sürüşərək
çarpayının altına düşdü və bu onu daha da
özündən çıxardı. Qələmi söyə-söyə əyilib
çarpayının altına göz gəzdirəndə isə bayaq bura
qoyduğu telefonun işığının yanıb-söndüyünü,
daha doğrusu, zəng gəldiyini gördü. Ekranda
"Yusif zəng edir" yazısını görüb qələmi
unudaraq tez telefonu götürüb dikələrək
çarpayıda yerini daha da rahatladı. Zəngi
açmaq istəyirdi ki, zəng kəsildi. tez gələn
zənglər siyahısına keçdi. Burada Yusifdən gələn
beş cavabsız zəngi görüb təlaş və təəccübdən
gözləri bərəldi. Onun bu qədər zəngini cavabsız
qoymuşdusa, deməli, indi Yusif ona bərk əsəbi
idi. Gözü WhatsApp simgəsinə sataşdı.üstündə
on iki rəqəmi var idi. Bunların da Yusifdən
olduğunu düşündü.yanılmamışdı. Və sonuncu
"!!!!" mesajını görüb Yusifin başından çıxan
tüstüləri də təsəvvür eləyə bildi. Birtəhər
cəsarətini toplayıb ona zəng elədi. İki çağırış
zəngindən sonra telefonun digər tərəfindən
Yusifin əsəbi və bir o qədər də kinayəli səsi
eşidildi.
-Çox şükür! Mən də uje Xoşqədəmə zəng
eləyirdim.
-Caan, sevgilim, bağışla, vallah