ə qızına baxıb daha amiranə tərzdə-Bu
nədir?-deyə soruşdu.-Utanmırsan, adam
nənəsinin şəklini bu hala salar?
-O m ənin nənəm deyil, o mənim bir nömrəli
düşmənimdir! Ona nifrət eləyirəm!-İnci
ağlamsınaraq səsini qaldırdı.
-İnci! Sənə də, bacılarına da min dəfə
demişəm ki, nə olub bizim aramızda olub, sizin
bu söhbətlərə qarışın tərəf tutmağa ixtiyarınız
yoxdur.
-Bəs sizin bizi bədbəxt eləməyə ixtiyarınız var
idi?!-Əminə xala onun bu sualı qarşısında
sadəcə gözlərini qaçırıb köks ötürə bildi. İnci isə
bayaqkına nisbətən daha sakit şəkildə sözünə
davam elədi.-Deyirsən ki, bu məsələ bizə aiddir,
siz qarışmayın, hə? Necə sizə aiddir ki, on bir
ildir ki, bütöv ailəyə həsrət böyüyən bizik?! Uşaq
deyiləm e, mama, bu gün uje iyirmi bir yaşım
oldu və mən on bir ildir öz ad günümə nifrət
eləyirəm.-sonra əlindəki Tetrisi anasına
göstərdi.-Bunu görürsən? bunun niyə bu günə
qaldığı da yadındadır da. O sevimli qaynananın
can üstündə olduğu vaxtlar idi. Papaya
yalvarırdım ki, mənə bundan alsın. O da deyirdi
ki, başı qarışıqdır, sonra söz verdi ki, ad
günümdə alacaq. Mən də oturub həvəslə ad
günümü gözlədim. Atam mənə elə böyük bir
hədiyyə gətirdi ki...-bu cümləni deyərkən
İncinin gözləri doldu, səsi titrədi.-Üç gün, düz
üç gün itdi, gördüm deyən olmadı. Polis-molis,
xəstəxana, gəzmədiyimiz yer qalmadı. Dedik ki,
yəqin haradasa maşın vurub qalıb. Amma kaş
vuraydı, kaş öləydi...
-İnci! Həddini aşırsan ha!
-Mama! Onlar mənim ad günümü gözümdən
gətirdilər e, onlar mənə heç vaxt
unutmayacağım bir hədiyyə verdilər!-əsəbdən
dolan gözlərindən süzülən yaşlar yanaqları boyu
süzülür, nəfəsi darıxırdı.-Yadındadır, həmin
axşam mənim könlüm xoş olsun deyə bir gözün
gülə, bir gözün ağlaya süfrə açmışdın. Sonra
qapı döyüldü. Qorxa-qorxa qapıya
getdin.qlaznokdan baxıb gələnin papa olduğunu
görəndə elə sevinmişdin ki, heç biz elə
sevinməmişdik. Hə, gələn papa idi, amma necə?
Lül piyan.sən demə nənə üç gün əvvəl ölünmüş.
Öləndə də buna vəsiyyət