i iki-üç gün Rusiya görüb.
-Buyurun, xanım qız, nəsə dediniz?-Yusif qulağını ona tərəf tutub kinayə ilə soruşdu.
Sevinc heç nə deməyərək göz süzdürdü. Asya isə ortalığı yumşaltmaq üçün Yusifdən hal-əhval tutmağa başladı.
-Nə yaxşı qayıtmısan, ay Yusif? Darıxmışdıq sənin üçün.
-Əslində heç qayıtmayacaqdım, amma bu ay yaxın qohumun toyu var, zəng eləyib xahiş elədi ki iştirak eləyim.-bir gözü Sevincdə olan Yusif dilləndi.-Toyu yola verib yenə qayıdacam.
-Doğrudan?-Asya narahat şəkildə bir ona, bir də Sevincə baxdı.-Niyə?
-Nə bilim, burada gözləyənim yox, bir şey yox.-deyə Yusif Asyaya göz vurub yüngülcə gülümsədi.-Qayıtsam yaxşıdır.
-Hə, nə isə, mən tələsirəm, gedim.-deyə Asya ayaqlandı, Sevinci işarə eləyərək-Bu qızı tanıyırsan da yəqin?-deyə göz vurdu.-Tanımırsansa tanış ol, bəlkə qalmalı oldun.
-Nə bilim.-deyə Yusif kinayə ilə Sevincə baxdı.
-Hara gedirsən, məni də gözlə.-Sevinc də ayaqlanıb Asyanın arxasınca getmək istəyirdi ki Yusif onu əlindən tutub saxladı. Asya da göz-qaş eləyərək qalmasını işarə elədi. O getdikdən sonra Yusif özünü Sevincin qabağına verib:
-Xoş gəlmişəm.-deyə onun gözlərinə baxdı.
-Gedəndə məndən icazə almışdın?-lakin Sevinc gözlərini qaçırıb laqeyd şəkildə dilləndi.
-Sənə görə getmişdim. Məni küsdürdüyün üçün getmişdim.
-Qalardın da. Niyə qayıtdın?
-Qayıdacam da, toya görə gəlmişəm.
-Onda gəlmişkən əmanətini də al.-deyə Sevinc hirslə barmağındakı üzüyü çıxarmaq istədi.
-Ay qız, sən zarafat başa düşmürsən?-Yusif onun əlini tutaraq göz ağartdı.-Getməyəcəm! Yum gözlərini.
-Nə?-Sevinc heç nə başa düşməyərək ona baxdı.
-Rusca danışıram mən? Gözlərini yum.
Sevinc bezgin şəkildə gözlərini yumdu. Yusif cibindən çıxardığı gümüş bilərziyi onun qoluna taxdı. Gözlərini açan Sevinc çaşqın şəkildə bir qoluna, bir də Yusifə baxdı. Sonra heç nə olmamıştək soyuq şəkildə:
-Bu nədir? Könlümü bununla almağ çalışırsan?-dedi.
-Yox, kim dedi ki könlünü alıram? Sadəcə magistraturaya girməyin münasibətilə səni təbrik