ya
Əli şeytana uyub dönüşü olmayan bir yola
girsəydi, onda necə olacaqdı? Məqsədi Ayanla
danışmaq idi, amma nəticə daha pis ola bilərdi.
Bütün bunları düşünə-düşünə maşını işə saldı.
Qərarlı idim təslim olacaqdı. Onun bu hərəkəti
cinayətə bərabər idi və o da cəzasını çəkməli
idi. Polis idarəsinə çatmağa az qalmışdı ki
telefonu zəng çalmağa başladı. Qardaşı idi.
Bezgin şəkildə zəngi açdı:
-Hə?
-Haradasan? Maşını hara aparmısan?
Əli on-on beş metr aralıdakı binaya baxıb:
-Şəhərdəyəm, gəzirəm.-dedi.
-Sonra gəzərsən, maşını gətir, gedəsi yerim var.
-Yaxşı.-Əli laqeydliklə telefonu söndürüb
oturacağa atdı. Yenidən başını sükana söykəyib
bir müddət beləcə qaldı.Xatirə mətbəxdə axşam yeməyi hazırlayırdı ki
Xəyal da mətbəxə gəldi. Onun üzündə Xatirənin
adət etdiyindən fərqli bir əsəbilik və gərginlik
var idi.
-Kömək lazımdı?-deyə mətbəxi gözdən keçirə-
keçirə yoldaşına səsləndi.
-Yox. Nə olub sənə, nəsə əsəbi görünürsən?-
əlinin işini saxlayan Xatirə sual dolu baxışlarla
ona baxdı.
-Heç nə.-Xəyal özündən ixtiyarsız bezgin
şəkildə dilləndi. Sonra-Bilaz Əliyə
əsəbiləşmişəm.-deyə daha yumşaq səs tonu ilə
dedi. Sağa-sola boylana-boylana stulda oturdu.
-Gülüş neyləyir?-işinə davam eləyən Xatirə
soruşdu.
-Cizgi filminə baxı. Ayan necədi, baxmısan?
-Dərman vermişəm, yatıb. Yazıq qız yaman
qorxmuşdu.
-Sən hələ onu olda göləldin. Əli də lap ağını
çıxalıb e, mən çatmasaydım, nələ olacaqdı, bi
Allah bili.
-Eh, Əli də Ülvinin yolunu getməyə başlayıb.-
Xatirə bir anın dalğınlığı ilə dediyi sözün
fərqinə varıb Xəyala baxanda Xəyalın əsəbi
şəkildə damaqlarını çeynəyə-çeynəyə ona
baxdığını gördü.
-Sən yenə də onun adını çəkisən?
-Xəyal, olmadı ki. Mən sözün gəlişi dedim. Sən
niyə o dəqiqə əsəbiləşirsən?-Xatirə indi həm
özünü ələ almağa, həm də onu sakitləşdirməyə
çalışırdı.
-Mən səndən nə istəyiləm, deyiləm ki o adamın
adını mənim evimdə çəkmə! Bu bi ayda neçənci
dəfədi ki sənin dilindən onun adını eşidiləm.
Səsimi çıxalmılam, amma