gələcək.-dedi.
-Baş üstdə.-Əli sevincək hərbiçilər kimi jest
edib gülümsədi.
Onun bu hərəkətinə Ayan da gülümsəyərək
başını bulayıb ondan aralanmağa başladı. İkisi
də xoşbəxt idi. Əlinin qanadı olsaydı uçar,
Ayanın qüruru olmasaydı onun boynuna
atılardı. İndilik özünü soyuq aparsa da Ayan
Əliyə şans verdiyi üçün peşman deyildi. Əli isə
onun qəlbini, sevgisini qazanmaq üçün hər şeyə
hazır idi.
Təzə maşınını kursun qabağında saxlayan
Ismayıl maşından düşüb kimisə axtarırmış kimi
gah yola, gah da kursa boylanmağa başladı. Çox
keçmədi ki kursun qapısında görünən Kamran
əllərini yana açıb gülə-gülə pilləkənləri endi.
-Onun arabası var, özelmi, özel... Boy, boy, boy,
əmioğlum maşınını gəzməyə çıxarıb?
-Nə olub, qapının ağzında yatmışdın?-Ismayıl
onu görcək narazı şəkildə üzünü turşutdu.
-Yox ə, gəldiyini pəncərədən gördüm. Maşallah,
xeyirli olsun, əmioğlu, dayan bir yağını silim.-
deyə Kamran zarafatla pencəyinin qolu ilə
maşının üstünü silməyə başladı.
Ismayıl isə hələ də sağa-sola boylanırdı ki
arxadan gələn səsə diksinib arxaya baxdı.
-Bıy, Ismayıl, təzə maşın almısan?-ağzı açıq
şəkildə bir maşına, bir də ona baxan Şəbnəm
idi.
-O almayıb, bir yerdə almışıq. Nissan sunny,
necədir, xoşuna gəlir?-Kamran özünəməxsus bir
əda ilə qolunu maşına dirəyib Şəbnəmə baxdı.
-Düz deyir, bir yerdə seçmişik.-Şəbnəmin
tərəddüdlə ona baxdığını görən Ismayıl
dilləndi.-Əmioğlunun heç nədən başı çıxmasa
da maşınlardan başı çıxır da.
-Hə, lap yaxşı. Deməli, dünən onu buna görə
axtarırdın?-Şəbnəm gözlərini maşından çəkə
bilmirdi.
-Hə, nə vaxt maşın lazım olsa, çəkinmə.
-Çox sağol. Soruşmaq ayıb olmasın, bu qədər
pulu haradan tapdın?-Şəbnəm çəkinə-çəkinə
ona baxdı.
-Papanın maşınını satdıq. Deyir, daha təqaüdə
çıxmışam, bahalı maşını neyləyirəm? Elə
ondansa sataq, bir yüngülvari maşını mənə
alaq, təzəsindən də sənə. Mən də Türkiyədə
bursla oxuyurdum axı. Ilkin ödənişi eləmişəm.
Krediti də həmin pullarla ödəyəcəm.
-Halaldır,-məmnun və heyran