marşrutla
aparacaqsan?
-Narahat olma, həmişə marşrutla aparmışam.-
Sevil özündən ixtiyarsız kinayə ilə Ismayıla
baxdı.
-Gəlin xala, bu dəfə maşınla gedəcəksiniz.-
Ismayıl ona daha heç nə deməyib Xalidə xalanın
qolundan tutaraq qaldırmağa başladı. Xalidə
xala və Sevilin etirazlarına baxmayaraq Ismayıl
onları maşına mindirməyə müvəffəq oldu.
-Çox sağol, a bala, Allah səndən razı olsun,
Allah səni xoşbəxt eləsin.-maşına oturan Xalidə
xala dil-ağız eləyir, Ismayıla öz razılığını
bildirirdi.
-Sağolun, xala, Allah sizdən də razı olsun.-
sükan arxasına keçib maşını işə salan Ismayıl
da razılıqla başını yelləyirdi.
-Can ay bala, mənə görə sən də işinə gecikdin.-
qızının telefonuna baxdığını görən Xalidə xala
məyus şəkildə başını buladı.
-Eybi yox, ay ana. Onsuzda Şəbnəm xanıma
demişəm.
-Istəyirsən, bu gün heç işə getmə. Yorğun
görünürsən, mən Şəbnəmə deyərəm.-Ismayıl
güzgüdən Sevilə baxa-baxa dilləndi.
-Yox, yorğun deyiləm, mamanı evə qoyub
qayıdacam.
-Bu Şəbnəm xanımı haradan tanıyır?-Xalidə
xala özünü qızına yaxınlaşdırıb qısıq səslə
soruşdu.
-Bilmirdiniz xala, Sevil bizimlə işləyir?
Əmimoğlunun dayısının açdığı kursda.
-Hə?-təəccüblə bir Sevilə, bir də Ismayıla baxan
Xalidə xala sonra qızına dönüb-Bəs sən qrup
yoldaşının anasınım işlədiyi kurs deməmişdin?-
deyə soruşdu.
Ismayıla baxıb narazılıqla başını bulayan Sevil
sonra anasına baxaraq dedi:
-Hə də, ana, Vüsalənin anası həmin kursda
müəllimə işləyir. Mən işə girəndə Ismayıl
əsgərlikdə idi, təzə gəlib. Onu görəndən sonra
bildim ki kursun sahibi həm də onunla
qohumdur.
Sevilin dediklərindən bir şey başa düşməsə də
Ismayıl bilmədən aləmi bir-birinə vurduğunun
fərqində idi. Ona görə də başını yelləyib onun
dediklərini təsdiqləyirdi.
-Hə, lap yaxşı.-Xalidə xala inanmış kimi
görünürdü. Sonra üzünü Ismayıla tutub-Sən
necəsən, oğlum? Oxuyursan, ya işləyirsən?-deyə
onunla hal-əhval tutmağa başladı.
-Sağolun, xala, yaxşıyam. Türkiyədə oxuyub
qurtarmışam, memarlığı.