Sən dünən mənə
gülürdün e, boş yerə özünü yorma, Rüqayə
xanım sənin hədiyyəni götürməyəcək deyə...
-Götürdü?
-Hə, təşəkkür də elədi.
-Bəyəndi heç olmasa?
-Onu bilmirəm. Düzü, bu gün ona hədiyyə verən
çox oldu deyə yarısını aça bilmədi.
-Ha, ha, ha.-deyə onun bu sözünə Ayan
ürəkdən gülməyə başladı.
-Nəyə gülürsən e?-Ramin narazı şəkildə qabaq
güzgüdən ona baxdı.
-Ay qaqaş, Allah səni güldürsün.-əlini sinəsinə
tutub sakitləşməyə çalışan Ayan qardaşına
baxdı-Daha de ki hamının hədiyyəsini götürüb
deyə səni sındırmaq istəməyib də.
-Mərdiməzarsan da, imkan verməzsən ki axıra
kimi sevinim. Bir də nə bilirsən ki elədir?
-Bir özün fikirləş də.
Elə bu vaxt maşın sanki harasa dəymiş kimi
silkələndi. Ayan qışqıraraq arxaya baxdı.
Arxadan gələn qara maşın özünü qəsdlə
Ramingilin maşınına vurmuşdu.
-Bu nə istəyir e?-deyə qorxudan rəngi qaçmış
Ramin yan güzgüdən arxaya baxa-baxa deyindi.
-Ramin, bu nə deməkdir? Bunlar neyləyir?-əlini
sinəsinə tutan Ayan qorxaq nəzərlərlə bir
arxaya, bir də qardaşına baxırdı.
-Heç nə yoxdur, qorxma.-Ramin bacısını
sakitləşdirərək sürətı artırdı. Lakin qara maşın
da əl çəkmək bilmir, sürəti artıraraq özünü
Ramingilin maşınına sürtürdü. Ramin hər nə
qədər maşını qaçırmaq istəsə də ondan daha
peşəkar olan digər maşının sürücüsü hər vəchlə
onu sıxışdırmağa davam edirdi.-Əl çəkin də, nə
istəyirsiniz?-deyə Ramin bezgin şəkildə qışqırdı.
-Mən deyim?-özünü birtəhər oturacağa söykəyib
bir əlilə qapının dəstəyindən tutmuş Ayan
kinayə ilə qardaşına baxdı.-Qız tərəfidir,-deyə
digər maşını işarə elədi,-bu günkü hədiyyənə
görə sənə təşəkkür eləyirlər.
-Yaxşı da bacı. Ona təkcə mən hədiyyə
verməmişəm ki. Bu gün o qədər adamdan
hədiyyə alıb.
-Yəqin heç birinin sənin kimi ağzı qulaqlarında
olmayıb da. Sən də sevməyə qız tapdın.
-Bacı, yaxşı dedim.-Ramin yenə güzgüdən
tərs-tərs ona baxıb başını buladı.
Bu vaxt maşın bir dəfə də özünü bunların
maşınına sürtdü. Sükanı güclə yığışdırano
Ramin sürəti daha da