Yay tez gəldi keçdi. Artıq yeni dərs ilinə az qalmışdı.
Günel ailəsinin təkidi ilə onların seçdiyi biri ilə nişanlanmış, oğlanın qohumlarından birinin evində qalacaqdı. Ona görə Samirə ilə məsləhətləşib otaq yoldaşı kimi 3-cü qızı Nigarı qəbul etdilər. Nigar universitetə yeni qəbul olmuşdu. Demək olar ki, Bakını heç tanımırdı. Biraz cır xasiyyəti vardı. Özündən razı qız idi. Bununla belə Aynur və Samirə ona güldən ağır söz demirdilər. Necə də olsa hər ikisindən balaca idi. Onu dərsə aparıb gətirirdilər. Bilmədiyini başa salır. Şəhərə öyrəşməsinə köməklik edirdilər.
Nigar gəldiyi 2 ayda artıq qonşularla ünsiyyət qurmuşdu. Demək olar ki, həyətdə yaşayan hər bir ailəni tanıyırdı. Hətta ünsiyyət dairəsi qonşu həyətlərədə gedib çıxmışdı. Nigar ikinci növbə oxuduğuna görə dərsə qızlar gəldikdən sonra gedirdi. Qızları gündə bir xəbərlə qarşılayırdı:
- Xəbəriniz var, qonşumuz Vaqif evlənir.
Qızlar: Vaqif kimdi?
Nigar: O dey göy qapıda yaşayanın oğlu.
Səhəri gün:
- Bu gün bilirsiz nə olub, Xədicə bəzənib düzənib taksiyə minib getdi.
Qızlar: Xədicə kimdi?
Nigar: Vaqifgilin qapıbir qonşusu.
Başqa gün:
Nigar: Rəsmiyyəni əri döydü bu gün.
Qızlar: Rəsmiyyə kimdi?
Nigar: Üzbəüz küçədəki həyətdəki gəlin.
Nigar hər şeyə maraq göstərən qız idi. Ona görə hər bir xəbəri izləyir, qonşular haqda olanları bir-bir çatdırırdı. 1 ildən artıqdır bu evdə yaşayan qızlar tanımadığı insaları Nigar 2 ayda əməlli-başlı tanımış, ailə tərzlərini, işlərini, məşğuliyyətlərini öyrənmişdi.
Nigar sayəsində qızlar öyrənmişdi ki, həyətin başındakı qonşunun cəmi-cümlətani 1 oğlu var. Oğlu hərbi məktəbə hazırlaşır. Əri hansısa şirkətdə mühasib işləyir.
Onların yanındakı qonşu cavan gəlindir. Əri atıb gedib balaca bir uşaqla anası baxır.
Üçüncü qonşuları rus qadın və qızından ibarət idi. Onlar uşaq evindən Azərbaycanlı uşağı götürüb saxlayırdılar. Hətta ona rus adı vermişdilər.Veronika..
4-cü qonşunun 1 qızı 1 oğlu vardı. Əri rəhmətə getmişdi. Qızı qoşulub qaçmış, oğlu isə hərbi xidmətdə