yol çox çalışmaqdır. Mənsə bacardığımdan da çox çalışırdım. Yenə hazırlıqdan çıxıb qızlarla deyə gülə evə qayıdırdıq. Qışın qarlı günlərindən biri idi. Qızların söhbətinə çox baş qoşmayıb öz halımla yola davam edirdim. Yol ayrıcına çatanda qızlar mənə göz vurub bir ağızdan "Səninki" deyərək qəh-qəhə çəkdilər. Üzümü çevirib yenə həmin simanı görəndə başımdan qaynar sular töküldü elə bil. Qızlara "Siz görərsiz!" Baxışı atıb öz məhləmizə
döndüm.Addımlarımı itiləşdirib bir an əvvəl evə çatmağı düşünürdüm.Birdən mənlə birgə addımlayan insanı gördükdə başımı qaldırıb kinayəli tonla üzünə diqqətlə baxdım. Deyəsən bu baxışımdan nə demək istədiyimi anlamışdı ki, addımlarını yavaşladıb uzaqlaşdı.Sadəcə olaraq başımı bulayıb yoluma davam etdim. Indiyədək məktəbdə, tanışlardan bir çoxu söz göndərib münasibət yaratmaq istəsələr də "yox" cavabını verib qəti şəkildə qərarımı bildirmişdim. Belə mövzulara heç baş yormaq istəmirdim. Ona görə kimliyindən aslı olmayaraq hər kəsi uzaq tuturdum. Bu "kölgə" isə əl çəkənə bənzəmirdi.Daha heç bir reaksiya vermirdim. Nəhayət evə çatmışdım. Əynimi dəyişib sobanın yanında yerimi rahatladım.Çöldəki soyuq havanı görən insan burdan heç tərpənmək istəmirdi. Ruslan dərsdə idi deyəsən. Dərslərim çox olduğu üçün qardaşımın da dərsləri ilə maraqlanmırdım. Bu isə onun üçün sözün əsl mənasında gözəl fürsət idi. Telefonu əlimə alıb internetə girdim. Ilk öncə fb hesabıma daxil olub mesajlara diqqət yetirdim. WhatsApp'dakı mesajlar isə məni maraqlandırmırdı. Bu proqrama əzəldən maraq olmamışdı məndə. 100% qızların eyni tipli mesajları idi. Onlara baxmağa isə həvəs yox idi demək olar.Real həyatımdan qopmuşdum son zamanlar. Özümə 2-3 ay əvvəl fb hesabı açıb saxta şəxsiyyətlə qeyd olmuşdum.Qəribə deyilmi?Məni tanımayan, mənimlə yaxından uzaqdan bir əlaqəsi olmayan insanlarla ünsiyyət yaradırdım. Realdakılar isə məni maraqlandırmırdı .Musiqi dinləyib telefonu kənara atmışdım. Bir az da Dincəldikdən sonra yenə fikrimi dərslərimə yönləndirmişdim.