başqa, bu başqa!
-Sənin gözündə fərq ola bilər, amma mənim gözümdə yox!-deyərək ayağa qalxıb kabinetdən çıxdı.
Hər kəsin nəzərləri Yuriyin üzərində cəmləşdi.O isə vecinə almadan yayxanaraq ləzzət dolu anlarını yaşayırdı.Onsuz da holdiqndəki nüfuzundan istifadə edərək etdiyi özbaşınalıqlara əngəl ola bilmirdilər.
...
Maksimin kabinetinə tələm-tələsik daxil oldum.Ayaqlarını qaldırıb masanın üstünə qoyaraq rahat şəkildə əlində tutduğu jurnalı oxuyurdu.
-Maks...-söz tapmağa başladım.
-Ehtiyac yoxdur, Rusik. Unut getsin. Mən o milçəyin sözlərini vecimə almıram onsuz da.
-İştirak məsələsi necə olacaq?
-Madam ki iştirakımı istəmir, qoy elə də olsun.
Maksimin səsində rahatlıq mənim təəccübümə səbəb olmuşdu artıq.
-Belə də! Planın var?
-Mənim planım?! Heç fikirləşmirəm də! Dediyim kimi-unut getsin.İştirakdan imtina. Bu qədər!
Stul çəkib əyləşdim.
-Maks, səni yaxşı tanıyıram.
-Hm! Və?!
-Off! Bəlkə gözlərini o jurnaldan çəkib mənə baxasan?
Maksim gözlərini parıldadaraq mənə zilləndi.Əminlik bəxş edən təbəssümü əskik deyildi.Ayaqlarını masadan qaldırıb yerə qoydu. Jurnalı mənə tərəf itələyərək ayağa qalxdı.Pəncərəni açıb qarşısında dayandı. Jurnalı əlimə alan kimi gözümə ilk sataşan mətnə şok olub yerindəcə qurudum.
“Qadın ticarəti”nin bütün olayları inkaredilməz faktlarla bütün çılpaqlığı ilə ortalığa sərgilənmişdi.Müxtəlif ölkələrdən bu ticarətin qurbanına çevrilmiş minlərlə gənc qadınların müsahibələri.Fotoşəkillər.Ərəb ölkələrinə ixrac edilən bir sıra bakirələrin naməlum taleləri.Şəbəkələrin arxalarındakı gizli əllər.Adları qara siyahıda olan müxtəlif ölkələrin dövlət məmurları.Dünya miqyaslı təşkilatların acizliyi və s.
Cəld jurnalın üz qabığına baxdım. “FEMİNA”
-İnanılmazdır! Ayrı-ayrı məqalələr oxusam da, heç birində bu qədər parlaq şəkildə işıqlandırılmamışdı.Afərin Aytənə!
Maksimin sözlərinə gözümü jurnaldan aralayıb ağırlığımla arxaya söykəndim.
Yəni o da qurbandır?!
...
Ennio Morricone - Le vent, le cri (Ennio Morrikone-Göz yaşı,