Yazar : ELÇİN...


18+...

Mən Züleyxanı tanıyırdım. Məhlədə onu "Malena", evdə Zulya çağırırdılar. Ona "Malena" adını kimin qoyduğunu bilmirəm. Oxucular bu yaraşıqlı xanımı tam təsvir etsinlər deyə məşhur İtaliya filmindəki Malenanı (aktrisa Monika Beluççi) yadlarına salsınlar: iri ala gözlər, məsum, bir qədər də sirli sifət, uzun qara saçlar, mütənasib bədən - bir sözlə, huri-mələk. Məhlə uşaqlarının hamısı Züleyxa-Malenanı sevirdi. O, bir şeytan idi. Kişilər bu mələksifət, dəcəl qıza vurulmuşdu. Məhlə arvadlarının onu görməyə gözü yox idi. Onlar dişi canavar idilər və nə zamansa yenidən dönüb vəhşi insan olsaydılar, kinolardan enmiş Züleyxanı parçalayardılar - təbiət mənzərələrindəki kimi. Ağzından qan daman pələngləri, şirləri tanıdınızmı? Bəs onların ayaqları altında can verən ceyranları?!
Və bir səhər xəbərlər proqramında Azərbaycan gözəlinin İstanbulda vəhşicəsinə qətlə yetirildiyini eşidəndə uzaq keçmişi xatırlamağa başladım, daha doğrusu, keçmişin özü bizi xatırladı...
Züleyxa və Fatimə əkiz bacıydılar. Züleyxa həddən artıq açıq-saçıq, Fatimə fağır, utancaq. Züleyxa gözəl, Fatimə - ortabab. Biri gözəlliyini hamıya göstərmək üçün səhərdən axşama kimi rəqs eləyir, oxuyur, oynayır, oğlanlara sataşır, kişiləri cırnadır, o birisi nənəsinin dizinin dibində oturub Quran əzbərləyir, namaz qılırdı. Bu ailəyə Allah Şeytanla Mələyi, Əzrayılla Cəbrayılı eyni zamanda göndərmişdi. Birincilərin qulaqları səsdə, ikincilərin qulaqları dincdəydi...
* * *
- Ancaq bircə dəfə, - Züleyxa bu sözləri deyəndən sonra donunun yaxasını açdı və sinəsini göstərdi.
Biz buna razılaşmadıq:
- Pulumuzu qaytar!
- Danışığımız belə olub, - Züleyxa dedi və bizim israrlarımıza məhəl qoymadan qapını bağlamaq istədi, amma biz imkan vermədik. Hər ikimiz eyni zamanda ayağımızı qapının arasına soxduq.
- Sinəni göstərməlisən.
Sinəmi hə, ala! - Malenanın bu jestindən çaşdıq, o da imkandan istifadə edib, bizi çölə itələdi və qapını çırpdı. - Sinəmi görmək üçün bu pullar azdı, iki manat