gəldi. Tez rabitə nazirliyinin səhifəsinə girib kirayə qaldıqları evin telefon nömrəsini axtarışa verdi. Budur ev sahiblərinin ad və soyadı çıxdı. Sonra həmin ad soyadını google - də axtarışa verdi. Artıq həmin məhəllənin seçicilər siyahısı qarşısında idi. Burda da Kənan adını axtarışa verdi. Yenə yaşı müxtəlif olan Kənanlar çıxdı. Budur Validə xalanın adı. Ev ünvanı da dəqiq göstərilmişdi. Ev ünvanı və nömrəsi ilə Kənangilin evlərinin nömrəsinin neçə olacağnı təqribi hesabladı və o nömrə ilə axtardı. Məmmədov Samir, Məmmədov Sənan. Samir və Sənan Kənanın qardaşları idi. Aynur üzdən onları tanıyırdı. Çünki, onları dəfələrlə küçədə görmüşdü. Adlarını isə Nigarın vasitəsi ilə öyrənmişdi. Qardaşları varsa niyə Kənanın adı yoxdu? Bəlkə Kənan başqa ölkəyə gedib, ya da onun hələ də 18 yaşı olmayıb. Beləcə yenə Kenanı tapa bilmədi. Amma artıq onun soyadını və atasının adını bilirdi. Google-a yazdı. Yenə bir şey çıxmadı. Nəinki, Kənan heş onun qardaşlarınında "facebook" da profilini tapa bilmedi. Umid edirdi ki, qardaşlarını taparsa yəqin Kənan da onların dostluğunda ola bilər. Bir xeyli vaxt keçdi. Bir gün rəfiqələrindən biri onu "odnaklassniki" yə qosulmağa dəvət etdi. "Facebook" da sinif yoldaşlarını tapa bilmədiyinə görə orda tapa biləcəyini düşünən Aynur qeydiyyatdan keçdi. 2-3 sinif yoldaşını tapdı və dostluq göndərdi. Yenə Kənan yadına düşdü. Axtarış bölməsinə Məmmədov Kənan yazdı. Yenə bir cox Kənanlar çıxdı. Bir - bir hamısına baxdı. İstədiyi nəticə olmadı. Bu dəfə isə Aynur Məmmədov Sənan yazdı. Budur elə ilk adlar içində Kənanın qardaşı Sənanın şəkli göründü. Aynur sevinirdi artıq o Kənanı tapa biləcəkdi. Aynura indiyə qədər ona bəlli deyil ki, niyə Kənanı tapmaq üçün bu qədər çalışır. Axı Kenanı tapanda nə olacaqdı? Düzdür Kənan ondan yaşca balaca olsa da, onu uşaq hesab elesə də ilk defə ona sevdiyini deyən insan idi. Bəlkə də, Kənan o məktubu uşaq hissləri ilə yazmışdı, bəlkə də ciddi deyildi. Amma fərqi yox idi. İlk dəfə sevgi etirafı eşitdiyi insan idi