etdilər.”Burada Ürvənin 'keçmiş' deməkdə məqsədi, Bəni-Haşimin Əbu Bəkrə bey'ət etmədiyi üçün Fatimənin evi ətrafında odun toplayaraq evi içindəkilərlə birlikdə yandırmaq istədikləri olaydır.
Təbəri 'Tarix'ində belə yazır: "Ömər, Təlhə və Zübeyr ilə birlikdə, Mühacirlərdən bir qrupunun sığınmış olduğu Əlinin evinə hücum etdi. Zubeyr qılıncını çəkərək Ona qarşı müqavimət göstərmək istədi. Lakin tam o anda ayağı büdrəyərək qılıncı əlindən yerə düşdü. Bu vaxt evə hücum edənlər onu tutdular..”
Əbubəkr Cövhəri isə belə nəql edir: "Əli belə buyurdu: "Mən Allahın qulu və Rəsulullahın qardaşıyam.” Lakin Onu tutub Əbu Bəkrin yanına apararaq Əbu Bəkrə bey'ət etməsini istədilər. Bu zaman Əli belə ərz etdi: "Mən hökumət və xilafətə sizlərdən daha layiqəm. Mən sizə bey'ət etmərəm; əksinə, sizin mənə bey'ət etməyiniz gərəkir. Siz xilafəti Rəsulullahın əqrəbaları və yaxınları olmanız bəhanəsiylə Ənsardan aldınız; Onlar da sizin bu dəlilinizə əsasən onu (xilafəti) sizə həvalə etdilər. Mən də sizə, sizin Ənsara gətirdiyiniz dəlili gətirirəm. O halda əgər nəfsi istəklərinizə uymayıb, Allahdan qorxursunuzsa bizim haqqımızda insafla hakimlik edin; Ənsarın sizə haqq verdiyi kimi məni rəsmən tanıyın; əks təqdirdə bilə-bilə bizə qarşı etdiyiniz bu zülmün vəbalı sizin üzərinizdədir.Ömər dedi: "Bey'ət etmədən qurtula bilməzsən.” Əli isə: "Ey Ömər! Sağdığın bu südün yarısı sənə çatacaqdır. Əbu Bəkrin hökümətinin təməllərini bu gün sağlamlaşdır ki, sabah onu sənə həvalə etsin. And olsun Allaha, nə səni dinləyərəm nə də ona uyaram” deyə buyurdu. Əbu Bəkr isə belə dedi: "Mənə bey'ət etməsən səni məcbur etmərəm.”
Bu vaxt Əbu Ubeydei-Cərrah belə davam etdi: "Ya Əbəl-Həsən.Sən gəncsən; bunlar isə Qureyşdən və sənin yaşlı əqrəbalarındırlar. Sən nə onların təcrübəsinə sahibsən və nə də işləri onlar qədər bilirsən! Məncə bu cür mühüm bir məsuliyyəti üzərinə alması üçün Əbu Bəkr səndən daha güclü, səbirli və işini biləndir! O halda sən də ona uyaraq höküməti ona həvalə et. Ömrün çatarsa, uzun