n bir zaman yaşayarsansa, həm fəzilət baxımından, həm Rəsulullaha yaxın olmağın baxımından, həm də İslamda qabaqcıl olmağın, dini sağlamlaşdırmaq xüsusunda cəhdlərin baxımından bu məqama keçməyə hər kəsdən daha layiq olarsan.”Əli belə buyurdu: "Ey Muhacirlər! Allahdan qorxun; hökumət və xilafəti Muhəmmədin evindən çıxarıb öz evlərinizə, öz məhəlləniz və öz qəbilələrinizə aparmayın; Onun ailəsini xalqın arasındakı məqamlarından aşağı endirməyin və Onların haqlarını çeynəyib ayaqlar altına atmayın! Ey Muhacirlər; Vallahi aramızda Quran oxuyan, din işlərini bilən, Rəsulullahın sünnəsindən xəbərdar olan və idarəçilik işindən anlayan biri olduğu müddətcə bu ümmətin işlərini idarə etməyə biz Əhli-Beyt sizlərdən daha layiqik. Allaha and olsun ki, bunların hamısı bizdə vardır. O halda nəfsi istəklərinizə uymayın; əks halda haqdan addım-addım uzaqlaşarsınız.”İmam Əlinin bu sözlərini eşidən Buşr bin Sə'd, Ona belə dedi: "Ənsar Əbu Bəkrə bey'ət etməzdən qabaq sənin bu sözlərini eşitsəydi, sənin hökümət və rəhbərliyini qəbul etməkdə iki nəfər belə bir-biriylə ixtilaf etməzdi; amma iş işdən keçdi və Onlar Əbu Bəkrə bey'ət etdilər.” Beləliklə Əli oradan Əbu Bəkrə bey'ət etmədən evə qayıtdı.”
Hədis və Rəvayətlərdən, o cümlədən alimlərin qələmə aldığı mötəbər tarixi kitab və əsərlərdən açıq-aşikar bizə məlum olan budur ki, Ömər bir dəstə hökümət adamları ilə Əlinin evinə hücum edir və Onu məcburi bir şəkildə tutuqlayaraq Əbu Bəkrə bey'ət etməyə aparırlar, sonra da adın qoyurlar ki, "Əli, Əbu Bəkrə beyət etdi".
Həzrəti Əli (ə) bütün bu böyük müsibətlər və bəla qarşısında Allah və Rəsulu tərəfindən səbr və təhəmmül ilə görəvləndirilmişdi. Mərhum Seyyid Rəziyuddin Musəvi, "Xəsaisul-Əimmə ” kitabında belə nəql edir: İmam Kazım (ə.s) buyurur ki, atam İmam Cəfər Sadiq (ə.s)-dan belə soruşdum: "Həzrəti Rəsulullah (s) özünə gəldikdən sonra nə baş verdi?” Peyğəmbərin kağız qələm gətirmələrini əmr etməsi və Ömərin "bu sayıqlayır, bizə Quran yetər” deyib, kağız qələm gətirilməsinə mane