onların uzaq qohumlarından biri səni görüb, bəyənib. Oğlan işləyir yaxşı yerdə, deyib ki, “onu elə saxlayacam ki...
Jalə cəld ayağa qalxdı. əsgər kimi dayanıb, bir nəfəsə dedi:
- Bir qızın ilk vəzifəsi oxumaq və sonra işləməkdir. Ancaq özünü və lazım gəlsə ailəsini rahat yaşada biləcək vəziyyətdə olduqda evliyi düşünməlidir. Bu isə mütləq muasir, qadin və kişi huquqlarının, haqlarının bərabər olduğunu bilən birisi ilə olmalı. Yaşasın feminizm!
Nadir kişi əli ilə başını tutub pıçıldadı:
- Uje himn kimi əzbərdən deyir. Qocalıb öləcəm, tək qızımın toyunu görmədən köçəcəm dünyadan...
- Yoxa , hara ölürsən! Sən də hələ can var. O vaxt gəlinbacını qoymadın işləməyə, indi də istəyirsən qızını bədbəxt eləyəsən?
Aha, digər otaqdan Nadir bəyin kabusu da gəldi. Yetər Nadir kişinin doğmaca bacısı idi, amma elə davranırdı ki, görən düşməni elə bilərdi. Buna görə də Jalə ona “bibi” əvəzinə, “xala” deyirdi. əsl feminist idi. Özü oxumuşdu, işləyirdi və bütün qadınların onun kimi olmasını ürəkdən istəyirdi. Amma bir problem vardı ki, evdə qalmışdı. 40 yaşına çatmışdı, amma hələ də onun fikirlərini qəbul edəcək birisi çıxmamışdı qabağına. Elə Nadir kişi də, bundan istifadə edirdi.
- Nədi? Işləməsə də, gül kimi baxmıram ona? Sənin kimi olaydı? Alan yoxdu səni. Qoyasan ancaq kişiləri asıb-kəsəsən. Məni heç nə öldürməsə də, sən çərlədib öldürəsən.
Yetər xanım əllərini belinə qoyub, diqqətlə Nadir kişiyə baxdı. üzünü Sima xanıma tutub dedi:
- Gəlinbacı, sən işləmək istəmirdin? O diplomu evdə tozlanmağa almışdın? Düzün de, peşmanan da bu keçələ qulaq asıb, işləmədiyinə?
Yenə bütün gözlər Sima xanımda idi. bu yazıq qadın hər gün bu cur suallara məruz qalırdı. Bir tərəfdə 25 illik həyat yoldaşı, digər tərəfdə onu qardaşından çox sevən baldızı. Bacı-qardaş yenə divara dirəmişdilər onu. Ikisinin də gözündən “mənim tərəfimi tut” oxunurdu. Sima xanım gülümsəməyə çalışıb çiynini çəkdi. Yox, bununla onlardan qurtula bilməzdi. Yenə də ona baxırdılar. Üzünü qızına tutub, qurbanlıq