i ki? Əli belə bugün öyrənmişdi. Jalə onun sual dolu baxışlarınıg görüb, başını aşağı salıb dedi:
- Yazdığın 14 mesajdan birində evləndiyini yazmısan. Bu arada təbrik edirəm, yumalana-yumalana “sənə bu şeiri yazmışam” deyə ala-bula boz keçi şeirini yazıb-göndərmək böyük bacarıqdı.
Əli digər mesajlarda nə yazdığını öyrənməyə can atsa da, bunu sonra öz telefonuna baxaraq da edə bilərdi. Bu an ən vacibi olanları açıqlamaq idi.
- Əslində evlənib-eləmi...
- Mənə dəxli yoxdur. Xoşbəx ol.
Jalə sözünü deyib, arxasını çevirib öz işinə davam etdi. Əli yenə danışmaq istəsə də, Jalənin soyuq və quru tərzdə dediyi sözlər onu dayandırdı. Bir müddət qapının ağzında nə edəcəyini bilmədən dayandı. Birdən telefonu ağlına gəldi. Bəlkə də mesajlarında Jalənin xətrinə dəyəcək bir şey vardı. Cəld otaqdan çıxıb, elə qapının ağzında telefonu çıxardı. Göndərdiyi mesajların ilk 12si sərxoşların deyə biləcəyi boş və mənasız sözlərdən ibarət idi. Hələ o qədər hərf səhvi var idi ki, özü belə yazdığını oxuya bilmirdi. Jalənin dediyi kimi göndərdiyi “ala-bula boz keçi” şeirini oxuyanda dodağı qaçdı. 13-cü mesajı oxuyanda isə qanı dondu. “Səni sevirəm”- bir mesajla etiraf etmişdi. Ondan sonrakı mesajı isə “başqası ilə evlənirəm”...
Arxasındakı qapıya söykənib, tək əli ilə alnını ovdu. digər əlindəki telefonu əlində saxlamağa çətinlik çəkirdi. O qədər ağır idi ki, bu an. Daha pisi isə ürəyinə çökmüş ağırlıq idi...
Qapının digər tərəfində isə Jalə əlindəki telefona diqqətlə baxırdı. Gecədən bəri təkrar0təkrar oxuduğu mesajı bir daha oxuyurdu. Ekranı aşağı sürüşdürüb, ən son mesaja baxdıqda isə... kim bilir neçənci dəfə gözləri doldu...Elya xanımın narazılığı üzündən oxunurdu. Bu sakit qadını narazı salmaq o qədər də asan deyildi, bunu bacaran birisini təqdir etmək lazım idi.
- Hə qudam deyirsən oğlanın işi-gücü var hə? Nə qədər maaş alır? Nə qədərin özü xərcliyir? Yəqin əlavə çax-çuxu da olmamış olmaz? Bilirik da bu işləri, birdə görürsən qumu yox olur, sementi buxarlanır...- deyən orta