qalxdım. İştaham yoxuydu və bütün günü demək olarki heçnə yeməsəmdə ac deyildim Narahat idim, çünkü yenə axşam düşürdü. Kabuslar bu gündə otağımın qapısını vuracaqdılar.
Fikrimi dağıtmaq üçün televizoru açdım. Yerli bir adına fikir vermədiyim kanaldan xəbərlər gedirdi. Əvvəlcə diqqətimi çəkmədi. Şimal TV-də bu gün baş verən cinayətlərdən danışırdılar. Günortadan sonra 15 cinayət hadisəsi olmuşdu. Bunnan əlavə quduz qapmaları, heyvanlarda qeyri adi rəng dəyişkənlikləri, döyülmələr və s. Ekrandakı qız cinayət xəbərləriylə bağlı daha ətraflı saat 11-də efirə gedəcək xüsusi cinayət işi verilişində qeyd olunacağını bildirdi. Elə bu vaxt qız qulaqcığına qulaq asıb nəsə dinlədi və daha 3 cinayətin törədildiyini bildirdi. Bir-birini bıçaqla, baltayla doğrayan kim, döyüb öldürən kim, quduz tutub başqalarını dişləyən kim və hətta sonuncusu başqasını benzinlə yandıran kim. Hətta tövlədə rəngi bozarmış, qəhvəyi xallı inəyi heç cür sakitləşdirə bilməmiş tüfənglə vurub öldürmüşdülər. Baytarlar bunun səbəbini açıqlaya bilmirdilər. Eyni hal itlərlə daha çox yaşanmışdı. 20-dən çox qapılma ilə bağlı rayon xəstəxanasına müraciət olmuşdu. Bu səbəbdən artıq dərman ehtiyacı yaranmışdı və bəzi xəstələr qonşu kənddə göndərilmişdi. Bir kişinin cinsi orqanını yerindən qopartmışdı və qanaxmadan ölmüşdü.
Bütün bu hadisələr bir neçə günmüş ki getdikcə artırmış və bu gün rekord həddə çatmışdı. Xüsusiylə aşağı kənddə, ən çox orda baş vermişdi bütün bunlar. Bir neçə gün deyə fikirləşdm. Biz bura gəlmişdik. Bu gün isə... Ağlıma Elzanın ağlayaraq hamını evə qaytarmasından başqa bir şey gəlmədi. Birdən bayaq əlimdən yerə salıb sındırdığım yaşıl daşı xatırladım. Sınan anda necə dalğa yaratdığı hələdə gözümün qabağındaydı. Bir səs bütün bulara bunun səbəb olduğunu deyirdi amma nə bilim. Əsas bunnan sonra nə olacağıydı.
Fikrimi televizordan ayırıb atamın danışığını dinlədim. Bir az sakitləşmişdi deyəsən,eləcədə hamı. Uşaqlar getmişdilər və indi sadəcə böyüklər idi. Diqqətimi atamın tez- tez it,