tərəf çevrildi və mat-mat baxdı. Ona nə olmuşdu birdən-birə? Birdən qollarını açdı, bu ani bir qərar idi. Fidan qolumda çırpınır, Noranı qucaqlamaq istəyirdi. Hıçqıraraq daha da pisləşirdi və dayanmadan “Getmə, Getmə “ qışqırırdı. Əvvəlcə, niyə bilmirəm amma buraxmaq istəmədim Fidanı. Sonra qollarımda çırpınıraq dahada pisləşdiyini görüb buraxdım. O dəyqə qaçıb Noraya sarıldı. Nora da onu bərk-bərk qucaqlayıb, öpübdü...
Sonra üzünə birinci günkü ifadəsiz sifətini taxıb qapıya getməyə başladı. Bacım halsız- halsız əliylə getmə deyirdi amma Nora buna fikir vermədən çoxdan qapıya yönəlmişdi. Bacımı qucağıma aldım. O qədər ağlamışdı ki, halsızlıqdan huşunu itirmişdi. Bu bir tərəfdən yaxşıydı ki Noranın qışqırıqlarını eşitməyəcəkdi.
Tarap. Qapı bağlandı. Pəncərədən baxanda belini dik tutub solmuş güllərin arasındakı cığırla kas- kaslara tərəf gedən Noranı gördüm. Kas- Kaslar çoxdan Zaxoru çağırmağa başlamışdılar. “ZAXOR! ZAXOR!” Boğzadan gələn vəhşi nəriltilər adamın qulağını batırırdı.
Bu dəm zirzəmimizdə də səs-küy qopmağa başladı. GUM!GUM!GUM!GUM!GUM! Qapı elə vurulurduki, bu dəyqə qırılacaqdı sanki.
Divanda dəhşətə gəlmiş Rüstəmlə Vüqarı qapıya baxan görəndə oları tez yanıma çağırdım. Ağlayaraq yanıma qaçdılar və olarıda qucaqlayıb, heç birinin bu dəhşətləri görməməyi üçün özümə sıxdım.
Bacardığım qədər qulaqlarını da tutmuşdum. Özümsə zirzəmi qapısının çırpılmağına fikir verməyərək, pəncərədən Kas-kaslara tərəf addımlayan Noraya baxırdım. Nora bir dəfədə olsun arxaya baxmadı.
Birdən 4 bir tərəfdən qaratüstülər axıb bir yerə cəmləndi və Zaxor peyda oldu. Sifəti hələdə görünmürdü, mantiyasının altından çıxan iki buynuz yavaş-yavaş Noraya tərəf əyilirdi. Əsasına söykənmiş bir əlini açıb onu caynağına keçirməyə hazırlaşırdı. Kas- kaslar mum kimi dayanmışdılar. Diqqətlə qulaq assan sadəcə Noranın addım səsləri və birdə zirzəmidən qurtulmağa çalışan Kopla, Faromu eşidərdin. Zəif külək əsir, həm Noranın əyninə böyük gələn paltarı, həmdə Zaxorun mantiyasını