KEÇMİŞDƏN GƏLƏN LƏKƏLƏR...
BÖLÜM 1.
Yazar: Anisa S-va
Üçqatlı limon və ağ rəngin sintez təşkil etdiyi ətrafında palma ağacları, müxtəlif güllər, sarmaşıqlarla əhatə olunmuş iri hovuzlu villanın həyətində yaz günəşi şölələnirdi. Villa və həyəti kənardan çox şən, həyat dolu, rəngarəng görünsə də içində yaşayan insanlar buna zidd idi...
POLADOVLAR villası...
Pəncərədən hovuzun ətrafına yeni-yeni qönçə açmış güllərə, yaşıllaşmış otlara, rəngbərəng ağaclara baxıb üzünə buruq bir gülümsəmə bəxş etdi. Başını azca yuxarı qaldırıb göydən uçaraq ağaclara qonan quşlara baxdı. Almaniyada - Brandenburq əyalətində Woltersdorf İncəsənət qaleriyasında Carlen adlı bir alman qızı ilə tanış olmuşdu. Onun başa saldığı qədər ilə quşların sadəcə kiçik-kiçik zil səslər çıxardığını deyərdi. Hətta bunu əl işarəti ilə izah edə bilməmiş bir kağız parçasına yazmışdı. Təxmini də olsa uşaqlıqda eşitdiyi o səsləri xatırlayırdı. Carlen ilə tanış olanda Carlen işarət dilini bilmirdi. Amma sırf Miray üçün öyrənmişdi. Miray üçün fədakarlıq edən tək şəxs idi Carlen. İşarət dilini ailəsindən sadəcə Dilay bilirdi, o da ki, heç elə bir lütfdə tapılmırdı. Bəlkə də çoxdan unutmuşdu. Ehh ailə demək olardimı ki, heç onlara? 2 ay öncə Azərbaycan gəlmişdi və bu müddət ərzində özünəməxsus evdə yaşamışdı. Deyəsən, ailəsi onu ört-basdır etmək üçün, pul ilə əziyyətə düşürdülər, ancaq bu hallarından heç də narazı kimi də görünmürdülər. Dünən səhər qapının döyülməsini biləyinə taxdığı qapı siqnalının titrəməsi ilə anladı. Qapını açdıqda qarşısında atası olan - Həşim bəyi gördükdə təəccübləndi. Gələcəyini xəbər etməmişdi belə, onun hələdə Almaniyada olduğunu düşündüklərini bilirdi. Qapıdan bir az kənara çəkilib, "ata"sının keçməsi üçün şərait yaratdı. Həşim bəy ağır addımlarla evə daxil oldu. Miray əli ilə əyləşməsini bildirdikdən sonra Həşim bəy qara kresloda əyləşib Miraya baxdı. Almaniyaya getdiyindən bəri qızını görməmişdi, sadəcə ordakı adamlarından Miray haqqında məlumat alırdı, birdə pul ilə təmin