aypara şəklində hovuzu, ətrafında müxtəlif rəngli oturacağı və sallanacağı olan Alıyevlər villasının qarşısında saxladı. Maşından enib, həyətə daxil olarkən gözü hər yeri bir-bir gəzdi, ailəsi ilə yaşadığı günlərinin izlərini daşıyırdı Alıyevlər malikanəsi... Hər bir anını qırıq bir film lenti kimi göz önünə gətirirdi...
Fikirlərini özündən kənarlaşdıraraq, bağçada təkbaşına oturub qəhvəsini içərək, düşüncəli görünən Hümeyrə xanıma baxdı. Arxadan sakit və yavaş addımlarla yaxınlaşaraq: "Bibi" - deyə səsləndi.
Hümeyrə xanım əlindəki qəhvəsi ilə donub qaldı, ardından qəhvəsini kiçik masanın üzərinə qoyub, özünə çox doğma gələn səsə tərəf dönərək: "Xəzər" - deyə təəccübləndi.
Xəzər Hümeyrə xanımın təəccüblənmiş baxışları qarşısında gülümsəyərək: "Nə oldu, bibi, məni görməyinə sevinmədin?" - xəfifcə başını çiyninə tərəf əyib, üzgün uşaq siması almağa çalışaraq cümləsini sonlandırdı.
Hümeyrə xanım: "Dəli-dəli danışma" - deyərək dərhal ayağa qalxıb Xəzəri qucaqladı: "Səni öldürəcəm, niyə axı gələcəyini xəbər etməmisən?" - deyə davam edərək deyinməkdən də qalmadı.
Xəzər azca geri çəkilib, Hümeyrə xanımın hər iki yanağını öpüb: "Bibican, belə sürprizli gəlmək daha yaxşıdır. Həm xəbər edəndə nə olur ki ?"- deyib geri çəkildi.
Hümeyrə xanım yenə deyinərək: " Necə yəni nə olur ki? Əlbəttə, xəbər etməliydin, qarşılayardıq səni, hazırlıq görərdik, otağını səliqə-səhmana salardıq".
Xəzər: "Bibican, heç narahat olma hər şey qaydasındadır, de görüm, əmim, Neman, Ayşulə hardadırlar ? Niyə tək oturmusan burda ?"
Hümeyrə xanım: "Əmin şəhərdən kənardadı, işlə bağlı gedib" - deyib üzünü turşutdu. "Neman səhər tezdən çıxıb şirkətə getdi, Ayşulə də yatıb" - deyə cümləsini tamamladı.
Xəzər heç də məmnun olmayan ifadə ilə: "Bu qız həkimdə oldu, amma yenə də yatmağından qalmır?
Hümeyrə xanım gülərək: "Dünən 8 saatlıq çox ağır bir əməliyyatda olub, gecədə yuxusuz qalıb".
Xəzər gözlərindən çıxan parıltılarla gülümsəyərək: "Mən onu oyatmasını, bilərəm".
Hümeyrə xanım narazı üz