əyləndiyini bəlli edən səslə.
Ayşulə bu dəfədə başı ilə təsdiqləyib, dodaqlarını sallayaraq, əlini yumruq kimi edib yanağını yasladı. Xəzər sadəcə Ayşulənin bu görünüşünə gülümsəməklə kifayətləndi.
Xaliq bəy xəfif öksürərək diqqəti öz üzərinə cəmlədikdən sonra: "Xəzər, oğlum, afərin! Şirkəti xaricdə təmsil etməyin, hissələri çoxaltmağın qürurvericidir" - deyərək, gülümsünüb gözlərinin kənarındakı qırışıqları göz önünə çıxardı.
Xəzər: "Sizin sayənizdə" - təvazökarlıqla cavab verdi. Ardından: "Sadəcə, Cannur Poladovanın etirazını ləğv etmək bu aralar çox çətin məsələdir, bu gün Cəlilovlarda özü ilə rəsmi şəkildə qarşılaşdıq, deyilən kimi, qadının simasına baxdıqda inad, qəzəb görülür".
Xaliq bəy narahat gözlərlə Hümeyrə xanıma baxdıqda Hümeyrə xanımın baxışlarını qaçırması ilə Xəzərə: "Bir problem olmadı ki?" -deyə tədirginliyini gizlədərək soruşdu.
Xəzər: "Yoox, heç bir problem olmadı, həm nə olasıdır ki, əmi, narahat olma" - deyib arxayınlıq verən gülüş ilə Xaliq bəyə baxdı.
Bir qədər sonra Xəzər əlindəki bıçaq və çəngəli boşqabın kənarına ehmalca yerləşdirib: "Əmi, izninlə bir şey demək istəyirəm" - dedi səsindəki həyəcan tozcuqlarını yox sayaraq.
Xaliq bəy gözlərini qısıb: "Əlbəttə, buyur" - deyərək, əli ilə 'başla' işarəti verdi.
Xəzər süfrədə əyləşənlərə bir-bir baxaraq anidən:" Ailəmin məntiqsiz, heç bir səbəbə malik olmayan ölümünün səbəblərini araşdırmağa və səbəbkarlarından qisas almağa gəlmişəm" - dedi, əminliklə.
Xaliq bəy udqunaraq: "Oğlum, nə səbəbi olacaq ki, ailənin ölüm səbəbi məlumdu, uğursuz qəza"- dedi təşfişə düşərək.
Xəzər narazı baxışlarla: "Əmi, buna inanacağınızı düşünmürəm, yəni ki hansı dövrdəyik ki, dəqiq səbəb əldə etməyək, həm bəlkə bir ümid o maşının içindəkilər ailəm deyil, ya da ki ailəmdən biri sağ qalıb"
Hümeyrə xanım sözə atlayaraq: "Mümkünatı yoxdur!" - deyərək Xəzərə baxdı.
Xəzər: "Hər zaman, hər şey ola bilər" - deyib öz ümidində boşluq yaratmadı.
Xaliq bəy Xəzərin gözlərindəki ciddiyyəti görüb: "Ekzpertizada da