Cannur xanıma baxdı, ancaq bir qarşılıq ala bilmədiyindən işinin başına geri döndü.
Bir az keçdikdən sonra Həşim bəy: "Cannur, 2 həftə sonra bütün şirkətlərin rəhbərlərinin və varislərinin iştirak edəcəyi bir yığıncaq olacaq. Yəqin ki, xəbərin var? " - deyə sual verərək sözə girdi.
Cannur xanım Həşim bəyə ötəri baxıb: "Aha, bilirəm" - deyib önəmsəmirmiş kimi qarşısına baxdı.
Həşim bəydə Cannur xanımdan heç də geri qalmayan bir halda: "Lap yaxşı, onda get qızların ikisinidə çağır, bax deyirəm ikisinidə, yəni Mirayıda" - dedi qaşlarını qaldıraraq Cannur xanım maraq dolu gözlərlə: "Nə səbəbdən ötrü ki? "
Həşim bəy saymazyana: "Sən get çağır, hamınız birgə bilərsiz səbəbi".
Cannur xanım Həşim bəyə gözlərini dikdikdən sonra ayağa qalxaraq, pilləkənlərdən ağır, yeynək addımlarla çıxıb, kolidorda dayanaraq ətrafı süzdü. Gözlərini yumaraq, dərin bir havanı ciyərlərinə bəxş etdi. Özünü cəza çəkməyə məhkum olmuş məhbus kimi hiss etdi. Gözlərini zorluqla açaraq Mirayın otağının qapısına baxdı. Ayaqları, sanki, döşəməyə zincirlənmişdi. O tərəfə keçə bilmirdi, ardından başını silkələyərək sanki ayılmış kimi olub Dilayın otağının qapısına yaxınlaşıb 2 dəfə tıqqıldadaraq : "Dilay" - deyə səsləndi və cavabı gözləmədən içəri daxil oldu. İçəridə dizlərini qarnına çəkib, qolları ilə ətrafını sarıb, yatağın başına kürəyini söykəyərək, fikrə qərq olmuş Dilayı görüb: "Dilay, qızım" - deyə yenidən təkrarladı.
Dilay anasının çağırışına cavab verməyə özündə hey tapmıyaraq, ağlamaqdan şişmiş və qızarmış gözləri ilə Cannur xanıma baxdı.
Cannur xanım Dilayın qızarmış və şişmiş gözlərini görüb, tez yaxınlaşaraq: "Qızım bu halın nədir? " - deyə narahatlıqla soruşdu.
Dilayın boş baxışlarını görüb: "Dilay nə olub, nəyin var? Yoxsa Miray nəsə deyib sənə? " - deyərək əlləri ilə Dilayın saçını oxşamaq istəsə də, Dilayın başını geri çəkməsi ilə əlləri havada qaldı. Cannur xanım qaşlarını çataraq: "Dilay? " - deyə bir daha səsləndi.
Dilay ağlamaqdan gözləri nə qədər də ağrısa da, Cannur