ə nəzər yetirərək, divanda tək başına oturmuş, əlini çənəsinə söykəyərək, çox güman ki sıxıntıdan "off-puuff" səsləri çıxardan Ayşulənin yanına gəlib burnunu iki barmağı arasına alıb sıxdıqdan sonra, Ayşulənin: "Nemaaan" - deyərək şikayət dolu səsi sədalandı.
Neman Ayşuləni yenə adi bir hərəkəti ilə əsəb etdiyinə sevinərək: "Nə olub, xanım qız, niyə qaşınız-qabağınız yerlə gedir ? "
Ayşulə Nemana baxıb, göz süzdürərək: "Həyatım çox sıxıcı və monotondur" - deyib ayaqlarını silkələməyə davam etdi.
Neman qaş çataraq: "Nəyi sıxıcıdır məsələn?"
Ayşulə əli ilə divardakı saatı göstərərək:"Yarım saatdı sizin aşağı düşməyinizi gözləməyim, məsələn" - deyərək yenə "Off"ladı...
Dəfinənin : "Xaliq bəy, süfrə hazırdır" - sözü ilə, Neman Ayşulənin qolundan tutub divandan qaldıraraq: "Az of-puf et" - deyib süfrəyə Xaliq bəyin əyləşməsini gözlədikdən sonra öz yerlərini aldılar. Xaliq bəy süfrəyə göz gəzdirib: "Hümeyrə hardadır?"
Ayşulə atasına baxıb: "Mən gələndə çağırdım, sən düş mən özüm gələcəm dedi"
Xaliq bəy qolunu qaldırıb Dəfinəyə müraciətlə: "Get, Hümeyrəni çağır, onsuz yeməyə başlamayacağımızı bildir"
Dəfinə arxasına dönüb hərəkət etmək istədisə də, Hümeyrə xanımı görüb ayaq saxladı.
Xaliq bəyin arxası pilləkən istiqamətinə dönük olduğundan: "Dəfinə, nəyi gözləyirsən?!! Xəbərdar et, dedim" - acıqlı səslə dilləndi. Hümeyrə xanım: "Xaliq, qıza acıqlanma, gəldim" - deyərək xəfif gülümsəyib öz yerinə yerləşdi.
Xaliq bəy süfrədəkilərə baxaraq: "Nuş olsun" - deyib yeməyini qaşıqlamağa başladı.
Sakit axşam yeməyini Ayşulənin maraq sezilən səsi pozdu: "Ana, Leyla Cəlilovanın ölüm xəbərinin doğrudur?" - deyib cavab gözləyən gözlərlə Hümeyrə xanıma baxdı.
Hümeyrə xanım qaşlarını çatıb: "Ayşulə, belə məsələlərlə maraqlanmaq bizə düşməz! " - dedi əmr edici bir tonda.
Ayşulə üzünü asaraq: "Dedim də sənə, həyatımın sıxıcı olduğunu" -Nemana baxaraq dedi.
Xəzər qaşlarını qaldırıb: "Sıxıcı mı?"
Ayşulə başı ilə təsdiqlərkən, Neman: "Həm sıxıcı, həm monotonmush həyatı" - dedi