qəzasında qonşuları dünyaları dəyişmişdilər. Onlarda heç vaxt telefon olmamışdı. Həmişə qonşuların nömrələrini verərdilər tanış-bilişə...
...”Eleonora” duş kabinəsində idi. İlıq su. Gözlərini yumub sakitcə suyun altında dayandı. Tanış barmaqlar ilk əvvəl belində, daha sonra kürəyində, boğazında gəzib qolları boyunca hərəkət etməyə başladı.
-Eləmə,-gözləri yumulu halda asta səslə dedi.
Fəxrəddin işinə davam edib əllərini qarnında cəmləşdirdi.”Eleonora”nın kürəyini sinəsinə söykədərək çiyninə öpücük qondardı.Qulağına pıçıldadı.
-Mən bilirəm sənə nə lazımdır...
...Lalə xalaya sönmüş baxışlarını yönəldən Dinara ayağa qalxdı. Addımlamağa başladı. Haraya doğrulandığı haqqında heç bir fikrə sahib deyildi.Əllərini xəstəxana divarlarına qoya=qoya nəfəsini daha da zorlaşdırırdı.Az sonra gördüyü səhnə. Sevdiyinin valideynləri xəstəxana skamyasında. Qadının çarəsizcə ağlaması və kişinin onu qollarında acılar içində sakitləşdirmək cəhdləri. Uzaqdan tamaşa edən Dinaranın beyni birdən qaranlıqdan çıxıb işıqlandı. Titrəməyə başladı. Divara söykənib aşağıya sürüşdü. Reanimasiya. Bu adı görər-görməz ayağa qalxmağa çalışdı. Cəhdi alınmadı.İçəridən kişi həkimin çıxışı. Geyimindəki qan ləkələri. Qanlı əlcəklərini çıxardıb maskadan azad olduqdan sonra qadınla kişinin qarşısında diz çökdü. Dinara onun dodaq artikulyasına fikir verirdi. Qadının fəryad dolu səsi ətrafa yayıldı.Kişi arvadını sakitləşdirməyə çalışsa da, alınmırdı. Həkimlərdən birinin gəlib qadına iynə vurmasından sonra onu palataların birində yerləşdirdilər. Kişi əli ilə ürəyini tutaraq ayaqlarını sürüyürdü. Və birdən yıxıldı. Onu də cəld həkimlər digər palataya yerləşdirdilər. Dinara həkimin getdiyini görən kimi özündə güc taparaq onun qarşısına keçdi.2-ci maşın qəzası. Göz yaşları içində Nicatın ölümünü eşidərək huşunu itirdi...
...”Eleonora” əynini geyinib aşağı düşdü.Fəxrəddinin 2 mərtəbəli evinin zalına daxil olub divanda əyləşdi.Söykənib ayaqlarını bir-birinin üstünə aşırdı. İçinə dolan təzə duyğulardan