. Əzələlərini görən kəs belə qorxuya düşərdi. Əyyaş olan atası arvadının müəllimlikdən qazandığı pulları ondan qopardıb içkilərə, barlara, fahişələrə-bir sözlə gecə həyatına xərcləyirdi. Fəhlə çalışan atası arvadına etdiyi zülmləri qızına da edərdi.Kənarda durub atası yalvarışı, göz yaş axıtması kişiciyəzin onsuz da pozulmuş əsəblərinə daha da mənfi təsir göstərirdi Balaca qızcığazı ayaqları altına salıb döyərdi. Amma 3-4 təpikdən sonra arvadı cəld girərdi araya. Gecəni bir=birilərinin yaralarını sarımaqla və səssiz axan gözyaşları ilə keçirirdilər. Bəzən səhərə qədər yata bilmirdilər.Ətrafda yaşayan hər kəs onları başına gələn müsibəti bilirdi.Dinara ilə anasının üzünü görən hər kəs heç nə soruşmamağı üstün bilirdi. Məktəbdə ikən qızcığaz çox sıxılırdı. Dərslərin tez bitməsini arzulayırdı. Ona yönələn hər baxış rəsmən işgəncə idi qıza. Üzündə açıq-aşkar görünən göy-qırmızı-qəhvəyi ləkələrin sayı azalmaq əvəzinə, getdikcə artırdı.Lövhəyə çıxıb dərs danışdıqda gözlərin yerə zilləyirdi. Yanında əyləşən İnciyə belə baxmırdı. Tənəffüsdə isə oturduğu yerdən tərpənmirdi. Evə gələn kimi anasına ev işlərində bacardığı qədər kömək edirdi. Atasına xoş gələr deyə süfrəni gözəl bəzəyərdi, qab-qacaqları tər-təmiz yuyardı,evin tozunu alardı. Ki, atası anasına zülm verməsin. Amma olmurdu. Lənət olsun k, hər gecə eyni olay təkrarlanırdı. Aldığı travmaların sayı getdikcə artırdı.
Anası atasının təpikləri ucbatından dünyasını dəyişdi. 2-3 gün otağından çıxmadı. Hıçqırıqla ağlayırdı.Yemirdi, içmirdi. Anasını geri istəyirdi. Atası dözdü, dözdü, axırda partlayıb qapını ayağı ilə sındırdı. Qızına şillə dalınca şillə zərbəsi endirdi. Dinara onun qorxulu baxışları altında evi səliqə-sahmana salmağa başladı. 40dan sonrra atası evinə təzə qadın gətirdi. Ögey anasının ona zillənən nifrət dolu baxışları ilə qarşılaşan qızcığaz daha atasından deyil, ögey anasından qorxmağa başladı. Evdəki hakimiyyət qadının əlinə keçmişdi. Atası bundan xoşlanmasa da, razılaşmaqdan başqa çarəsi yox idi.