Dinara köhnə geyimlərlə dərsə gedib gəlirdi. Ev işlərini görüb çəkilirdi otağına. Otağı onsuz da balaca, darısqal idi. Burda dərslərini hazırlayıb yatırdı.
2 ildən sonra ögey bacısı doğuldu.Ona yaxınlaşmağa belə icazə yox idi Dinaraya. Sanki bu qız cadugərgir, bacısına nəsə edəcək. Uzaqdan-uzağa baxırdı ona.
Məktəb üçün lazım olan ləvazimatları qonşuları alırdılar ona. Qıza yazığı gəldikləri üçün belə addım atırdılar.Atası gec-tez xəbər tutsa da heç nə demirdi. Amma ögey anasının ölümcül baxışlarını görən kimi nəfəsini tutub saxlayırdı. Qadın soyuq, yağışlı-qarlı havalarda qıza əzab verməyi xoşlayırdı. Qarlı günlərin birində qızı məktəbə idman ayaqqabısında getməyə məcbur etdi. Bir dəfə payız gödəkçəni geyindirdi əyninə. Gah da şərfsiz-papaqsız qoyurdu...
Lara Fabianın mahnıları.Evdə. Divanda uzanıb keçmişini vərəqləyirdi. Gözləri qapanıb açılırdı. Reksiyasız.Soyuq və quru. Ev telefonunun zəngi. Ayağa qalxıb zəngi qəbul etməkdən başqa yolu yox idi.Xarici görünüşə baxılanda soyuq biri idi, amma “iş”ində ehtiraslı idi...(Real-fantaziya, 50-50)
Dramatik səhnələri özündə canlandıran, heç də hekayələrdəki ssenarilərdən geri qalmayan bu əhvalat şərqdə-qərbdə yox, ölkəmizdə baş verib.
2-Cİ BÖLÜM
Duş kabinəsindən çıxıb bədənini qəftəyə bürüdü. Nəmli saçlarından ara-sıra su damcılamaqda idi. Yataqq otağına keçib qaranlıqda bir neçə dəqiqəlik dayandı. Mimikasız. Nəfəsini içəri çəkmiş durumda. Yavaş-yavaş əlləri yumruq halına gəldi.Bir-birinə bərk sıxılmış dodaqları aralandı.Ağır-ağır nəfəs alıb verməyə başladı. Əlini uzadıb işığı yandırdı. Güzgü qarşısına keçdi.Bumbuz üz ifadəsi.Feni əlinə alıb saçlarını qurulamağa başladı. Güzgüdə öz gözlərinə bir yad kimi tamaşa etdi. Qəftəni bədənindən azad etdi. Döşməyə sərilmiş qəftəyə baxış atıb şkafı açdı.Özünə lazımlı geyimləri seçib yatağa tulladı.
Geyinib keçindikdən sonra əyləşib “make-up”a başladı. Sezilməyəcək dərəcədə. Bahalı fransız ətrindən vurub aksesuarlarını taxdı. Çantasını yoxlayıb dikdabanlarını ayaqlarına