Hazırlanmana kömək etməyimi istəyirsən?" - deyə divardakı tablolara baxaraq soruşdu.
Miray dodaqlarının kənarlarına ümiddən əsər-əlaməti olmayan bir gülüş qoyaraq, əllərini qaldırıb: "Qorxmayın! Poladovların adına uyğun hazırlanacam" - deyə işarət göstərdikdən sonra, əli ilə qapını göstərib Dilaya qısa şəkildə "Get" - işarətini verdi.
Dilay Mirayın gözlərinə baxıb, təəssüfləndi. Sadəcə həqiqətən kömək məqsədi ilə gəlmişdi. Miray isə ona olan davranışını yanlış anlamışdı. Otaqdan çıxarkən beyinində "Miray yenə də bağa kimi öz qabığına çəkilmiş...İllərlə bu dəyişməmiş, daha da qatılaşmış" fikirlərini keçirdi...
***
Xaliq bəy deyinərək: "Ayşulə, necə yəni soruşmadın axı Nemandan hara gedir deyə?" - deyib əlini dizinə vurdu.
Ayşulə maşının ön oturacağından arxaya doğru əyilib: "Offf...Ata, nə qədər eyni sualı soruşdun və mən də hər dəfəsində öz evində hazırlaşacağını bildirdiyini dedim" - deyib önə dönüb, pəncərəsindən geridə qalan mənzərəni izlədi.
Xəzər sükanı bir əli ilə qavrayıb: "Əmi, narahat olma, mən danışdım Nemanla. Vaxtında çatacağını bildirdi" - deyərək bir əli ilə də maşının qabaq güzgüsünü düzəltdi.
Xaliq bəy əsəblə: "Hələ bir vaxtında çatmasın. Anlamır ki, təqdimata bütün ailə üzvlərimizlə birgə qatılmalıydıq" - deyib nəfəsini verdi.
Ardından Hümeyrə xanıma müraciətlə: "Öz evində hazırlaşacağından sənin xəbərin vardı?" - deyə soruşub Hümeyrə xanımın boğazını örtəcək şəkildə olan geyiminə baxdı.
Hümeyrə xanım acıqlı gözlərini Xaliq bəyə dikib: "Bilmirdim" - soyuq tərzdə cavab verib, üzünü çevirdi. 2 həftə idi ki, Hümeyrə xanım Xaliq bəyin onu boğmasından sonra aralarında soyuq küləkləri əsdirmişdi. Xəzərin maşını dayandırması ilə, hotelin işçiləri tərəfindən qapıları açıldı. Maşından düşərək girişə sarı irəlilədilər.
***
Dilay və Miray Dilayın sürdüyü maşın ilə birlikdə yığıncağa gedirdilər. Cannur xanım nə qədər narazılıq edib, mane olmaq istədisə də Dilay fikrindən daşınmadı. Maşını sürdükcə gərginliyinin artdığını hiss edirdi. Sükanı əlləri