b bura baxdığı üçün demək ki yaşayır" - deyib özüdə başı ilə təsdiqlədi.
Hümeyrə xanım barmaqlarını masaya azca çırparaq: "Qız səni tanıdı, Xaliq" - deyib udqundu.
Xaliq bəy özündən əmin halında boşluq yaratmayaraq: "Qorxma, Hümeyrə. Baxışlarında çaşqınlıq var. Həm o mənim üzümü görməyib. Görsə də, xatırlamaz" - deyib suyundan bir neçə qurtum aldı.
Hümeyrə xanım inanmayan gözlərlə: "Əminsən?" - deyə sual verdi. Ancaq Xaliq bəy təsdiqləsə də, inanmayacağını bilirdi.
Xaliq bəy başı ilə təsdiqləyib, aparıcı tərəfindən adını eşitməsi ilə üzünə saxta təbəssüm taxaraq çıxış kürsüsünə doğru irəlilədi.
Miray çıxış kürsüsündəki insanın gülən siması ilə yerindəcə donub qaldı. Bir anlıq başının üzərində şiddətli şimşəklərin çaxdığını sandı. Bu o idi... 13 il əvvəlki hər şeyi məhv edən insan idi...O olduğuna artıq əmin idi... Gözlərində yenə əylənir kimi təəssürat var idi, büsbütün saxtalıqla dolu idi hərəkətləri...
Nəfəsinin daraldığını hiss edərək, xatırladığı anılardan tərləyən ovuc içini üzərinə silib, ətrafına boylandı. Gözlərinin dolduğundan hər kəsi bulanıq görürdü. Buranı təcili tərk etməliydi, yoxsa panik atakının tutacağını bilirdi. Əllərini yumruq edərək, indidən aqresivliyini biruzə verirdi. Qışqırmaq istəyirdi, ancaq qışqırmağı belə bacarmırdı. Dişlərini sındıracaq kimi bir-birinə sıxıb gözünün önünə gələn hadisələri silmək istəyirdi.
Dilay Mirayın yumruq etdiyi əllərinə, sıxılmış dişlərindən qısılmış çənəsinə, bir nöqtəyə zillənən göz
bəbəklərinin böyüməsi ilə narahat olduğunu anlayaraq, əlini yumruq etdiyi əllərinin üzərinə qoyaraq diqqətini özünə çəkməyə çalışdı, ancaq Mirayın yerində geriyə-qabağa getdiyini görərək, yumruq etdiyi əllərini açmağa çalışdı. Gücü çatmayacağını anlayıb qolunu sıxaraq özünə gəlməsinə şərait yaratmaq istədi, ancaq Mirayın halının daha pisləşdiyini görüb nə edəcəyini bilmədi. Mirayın başının qəfildən özünə tərəf dönməsi ilə gözlərinin bulanıqlaşdığını görüb: "Miray?" - deyə təşfişlənərək soruşdu.
Miray Dilayın əlini