itələyib, əllərini üzərindən çəkdikdən sonra özünü sıxaraq ayağa qalxıb foyenin çıxışına doğru tələsik addımlarla irəlilədi. Dilay Mirayın arxası ilə getmək istəsə də Cannur xanımın qoluna etdiyi ağırlıqla yerindəcə qalıb, tədirginliklə dolu gözlərlə baxaraq durdu.
Miray hotelin uzun kolidorundan keçib divarlara tutunaraq əli ilə dəstək alıb yeriməyə davam etdi. WC başlıqlı qapının qarşısında dayanıb, çətinliklə açdı. İçəri daxil olub dərin-dərin nəfəs almağa çalışdı. Nəfəsinin getdiyini, boğulduğunu hiss edirdi. Əl-üz yuyan yerə yaxınlaşıb, suyun başlığını qaldıraraq titrəyən əllərini axan suyun altına tutdu. Titrəyən əllərindən ovuclarına suyu doldura bilməyib barmaqlarının arasından tökülməsini izlədi. İslanmış əllərini yanaqlarına, alnına, boynuna sürtərək heç bir dəyişikliyin baş vermədiyini görüb daha da sıxıldı.
Neman üstünə tökdüyü ləkəni su ilə aparıb, WC-nin digər bölməsində qurutduqdan sonra fit çalaraq, köynəyinin qollarını qatlayaraq çıxarkən qarşısındakı gördüyü qıza qaş çataraq baxdı. Yandan Miraya səslənərək: "Xanım! Nə işiniz var sizin burada?! Görmürsüz bura kişilər üçün nəzərdə tutulub. Qadınlar üçün nəzərdə tutulan bölməyə keçin!" - zəhmlə deyərək, gözlərini qısdı.
Miray isə heç nəyi hiss etmirdi artıq, arxasına dönərək qarşısında adam quruluşuna bənzəyən qaraltını görüb başını aşağı salaraq hərəkətsiz qaldı.
Neman bu səhər özünü maşının önünə atıb, hərəkətsiz dayanıb, sonradan isə heç nə demədən arxasına belə baxmadan gedən qızı görüb təəccüblənərək: "Aaa, sən! Səhər özünü maşınımın qabağına atıb, üzr istəmədən belə gedən qız!" - deyib bir addım Miraya doğru yaxınlaşdı.
Miray başını sağa-sola çevirib köməksiz şəkildə baxıb, əllərini mərmərə dayayaraq bir-iki dəfə sərt şəkildə vurdu.
Neman qızın hallı vəziyyətini görüb: "Yaxşısan? İçki qəbul etmisən? Bəlkə də daha artığını" - deyib Miraya doğru yaxınlaşıb kömək etmək üçün qolundan tutub, bədənini dikləşdirməyə çalışdı: "Buz olmusan" - Mirayın bərələn gözlərinə baxaraq dedi.
Miray şəffaf