b oldu.
Neman başını yelləyərək: "Atam haqlıdır, bu iş bu yerdə qalmayacaq! Mənimlə oyun oynamaq nədir göstərəcəm onlara! Peşman olacaqlar!" - deyib, heç kəsə baxmadan iti addımlarla evi tərk etdi.
Hümeyrə xanım isə Xaliq bəyin oynadığı möhtəşəm roluna qınayıcı gözlərlə tamaşa etdi.
***
Xəzər şirkətdə - öz otağında iş masasında əyləşərək yeni imzalanmış müqavilələri gözdən keçirirdi. Otağın qapısının birdən, döyülmədən açılması ilə başını qaldırıb fikirli şəkildə görünən Nemana baxdı.
Neman otaqda bir az gəzindikdən sonra, baxışlarını Xəzərə dikib: "Miray Poladovanı izlənilməsi üçün mənə adamlarını təşkil edə bilərsən?"
Xəzər qaşlarını qaldırıb: "Neman, qardaşım, məncə yanlış qərar alırsan. Bu işdə qızın təqsiri yoxdur. Ayşulənin dediyi kimi, məncə də, bu Nəzrinin işidir" - deyib Nemanı qərarından döndərməyə çalışdı.
Neman başı ilə etiraz edib: "Bu tamda özünü saflıq pərdəsinə bürümüş o qızcığazın işidi. Bu qədər təsadüf olmaz" - deyib, Xəzərlə qarşılıqlı şəkildə əyləşdi.
Xəzər anlamaz halda Nemana baxıb:
"Necə yəni? Nə təsadüfü?" - deyərək, qarşıya doğru əyildi.
Neman dişlərini sıxdıqdan sonra: "Dünən - səhərdə rastlaşmışdım o qızla. Özünü maşınımın qabağına atmışdı. Yerindən tərpənməyib, gözü qapalı şəkildə gediş-gəliş yolunun ortasında dayanmışdı" - deyib, həmin anı xatırladı.
Xəzər əllərini qovuşdurub: "Necə? Əminsən, o qızdı?" - inanmayaraq soruşdu.
Neman başını tez-tez tərpədib: "Əminəm, o heç bir təəssürat bağışlamayan donuq baxışlarından əminəm" - deyərək, ayağa qalxdı.
Xəzər heç bir şey demədən, telefonunda bir neçə rəqəmi tuşlayıb, nömrəni dəqiqləşdirdikdən sonra kiməsə zəng etdi.
Elə ikinci çağırışda telefonu açan şəxs: "Bəli, Xəzər bəy" -cavabladıqdan sonra: "Ailəniz haqqında araşdırma davam edilir, yeni bi..." - davam etmək istədisə də, Xəzərin: "Cabbar" - deyə səslənməsi ilə cümləsi yarımçıq qaldı.
Xəzər Cabbar susduqdan sonra: "Cabbar, sənə bir iş tapşıracam. Vacib bir işdir. 1 həftə ərzində araşdırmanı, izləməyini, kimliyi haqqında