hər şeyi, hara getdiyini, nə etdiyini, nə işlə məşğul olduğunu, ətrafında nə cür insanların olduğu haqqında məlumatları toplayacaqsan. Mənim sənə tapşırdığım işi 1 həftəlik tanıdığın və ən güvəndiyin adamına həvalə et. Əgər bir tərslik olsa səndən hesabını alacam" - Nemanın baxışları altında dedi.
Cabbar sözə girərək: "Baş üstə, Xəzər bəy, arxayın olun. Sadəcə şəxsin adını deməniz kifayətdir".
Xəzər bir qırpımda: "Miray Poladova" - deyərək, zəngi sonlandırdı.
Neman minnətli gözlərlə: "Çox sağol" - deyib, gözlərini 'təşəkkür' edircəsinə qapadı.
Xəzər şübhəli hisləri ilə: "Ümid edirəm ki, bu iş onların işi olmaz" - deyib, "Yoxsa iki bacınında sürtük olduğu qənaətinə gələrəm" - Nemanın eşitməyəcəyi tərzdə mırıldandı.
Neman Xəzərin sözlərini eşitməyərək: "Nəsə dedin?" - qəribə bir tonda soruşdu.
Xəzər arxasına yaslanıb: "Aahh... Deyirəm ki, qız ilə rastlaşdıqda nə edəcəksən? " - deyə sual verib, Dilaya etdiklərini xatırladı.
Neman qəddarcasına: "Onu peşman edəcəm! İllərlə qadınlara yığdığım kin, nifrəti ona qusacam! O zaman biləcək ki, ailəsi ilə əlbir olub o zəif görüntüsü ilə Neman Alıyevdən istifadə etməyə çalışaraq Alıyevlərə zərbə vurmaq nə deməkdir!"- tısıldayıb, əsəblə yumruqlarını sıxdı.
***
***
Hümeyrə xanım otağında bir irəli bir geri sallanan oturacaqda əyləşərək fikirlərə qərq olmuşdu. Xaliq bəyin səhərki mahir şəkildə oynadığı roluna artıq təəccüblənmirdi. Bu 28 ildə nələr görmüşdü, nələr yaşamışdı. Ancaq övladlarının yaşamı üçün içindəkiləri açarı itmiş bir sandığa qıfıllayaraq gizlətmişdi. Nemanın Poladovlarla mübahisəyə girməsini istəmirdi. Xaliq bəyin qərəzinin bəhrəsi Neman olsun istəmirdi. Bilə-bilə öz övladına tələ qurmuşdu. Həqiqətləri açıb deyə bilmirdi. O zaman hər iki övladının gedəcəyindən, onu tərk edəcəyindən xəbərdar idi. Oturacağın qoluna dirsəyini yaslayıb, azca cızıq kimi qırışlar düşmüş alınını ovaladı. Gözlərini qapayaraq, havanı içinə çəkdi. İllərlə bu boğuq, saxta nəfəslər saxlayan bu malikanədə yaşamağa məcbur olmuşdu. Nə