KEÇMİŞDƏN GƏLƏN LƏKƏLƏR...
YAZAR: ANİSA S-VA
Bolum 6

Cannur xanım qəhvəyi divanda arxasına söykənərək əyləşib, Mələyin gətirdiyi qəzeti vərəqləyirdi. Həşim bəy isə ətrafa fikir vermədən planşeti ilə məşğul idi. Dilay pilləkənləri enib, mətbəxdən əlində qəhvə ilə çıxan Mirayı görüb ayaq saxladı. Nəsə demək istəsə də, Cannur xanımın: "İlahi, bu ola bilməz! Bu biabırçılıq ola bilməz!" -qışqırtısı ilə nəzərlərini Cannur xanıma verdi.
Əlindəki qəzeti irəli uzadaraq: "Bu biabırçılığı bizə necə rəva gördün, axı ?!!! Etdiyinə bir bax!" - Mirayın gözlərinin içinə baxaraq qəzəblə dedi. Həşim bəy Cannur xanımın dəyişən halına qarşı: "Cannur, sakit ol! Nə baş verir?" - dedi hər zaman ki sakitliyini qoruyaraq.
Cannur xanım bədənini dikləşdirib, Həşim bəyə tərəf dönərək: "Məndən necə sakit olmağımı gözləyirsən ?!! Görüm, sən bu xəbəri oxuduqda sakitliyini qoruya biləcəksən??!!! " - deyərək əlini saçlarının arasından keçirib, qəzetdəki yazıya gözünü dikdi.
Miray və Dilay qaşlarını çataraq Cannur xanımı izləyirdilər. Miray Cannur xanım tez-tez danışdığından sözlərini tam anlamamışdı. Ancaq ona baxaraq danışmasından, onunla bağlı olduğunu təxmin etdi.
Cannur xanım ayağa qalxıb, hədələyici səslə: "Azərbaycana gələli 2 ayı zorla keçib, sən gəlmiş burada özünü düşmənlərimizin ağuşuna atırsan??!!" - deyib Miraya tərəf addımladı.
Miray 'ana'sının dodaqlarından oxuduğu sözlərə gözlərini bərəldərək Cannur xanıma donuq şəkildə baxdı. Sönük bəbəklərini yerə sabitləyib "Necə bu qədər yalan danışa bilirdi axı! Nəyin necə olduğunu bilmədən necə şərləyə bilərdi axı?! Həm düşmən kimdir?!" -fikirlərini beyinindən keçirdi.
Həşim bəy səbrsizlənib: "Cannur, ya əlindəki qəzeti ver, ya da nə olduğunu de!" - əmrvari tonda deyərək ayağa qalxdı.
Cannur xanım əlindəki qəzetin içərisində yazılan altı yazılı fotonu Həşim bəyə göstərərək: "Bax! Diqqətlə bax! Bu kimdir?!! Xaliq Alıyevin oğlu Neman Alıyev! Bəs bu kimdir?! Bu da bizim qızımız dediyimiz Miray Poladova! Özünü düşmən dediyimiz