i baxışlarını görərək zövq alırcasına Mirayın eşitmədiyindən istifadə edərək zümzümə etdi. Üzünə hiyləgər bir gülümsəmə yerləşdirərək Miraya dönüb,qaşlarını 'nə olub' deyirmiş kimi qaldırdı.
Miray Nemanın arsız şəkildə gülümsəməsinə hiddətlənib əlini sükana ataraq fırlatdı. Mirayın sükana etdiyi basqı ilə maşın yolda bir neçə cizgi çəkərək, cingiltili səslər çıxardı. Neman Mirayın bu cəsarəti ilə təəccüblənib, maşının yoldan çıxdığını gördükdə ayılaraq sükana əl atıb zorluqla sabitlədi.
Neman bunu Miraydan gözləmədiyindən: "Başın xarab olub sənin?!!! İkimizidə öldürmək istəyirdin?!!" - bir anlıq Mirayın vəziyyətini unudaraq şiddətlə qışqırdı.
Miray yenə əsəbinin soymadığını bilib, panik atak keçirəcəyindən qorxaraq Nemana baxmamağa qərara alıb üzünü maşının pəncərəsinə çevirdi.
Mirayın ona üzünü çevirməsi ilə, Neman onun dediyi sözləri eşitdiyini düşünüb, içinə şübhə düşdü. Maşını yolun kənarına çəkərək saxlayıb, bədənini Mirayın yönünə çevirdi. Əllərini qoyununda qovuşduraraq, ətli qırmızı dodaqlarını azca önə verərək, çiyinlərini düşürüb ümidsizcə oturmuşdu.
Maşının dayandığını görsə də, inadkarlığına verib, Neman tərəfə dönmədi. Onun iti baxışlarının üzərinin hər bir zərrəciyində gəzdiyini duysa da, dırnaqlarını köynəyin üzərindən qolunun ətinə batıraraq özünü saxladı.
Neman Mirayın saymazlığını əhəmiyyətə almayaraq maşındakı səs qurğusunu işə salaraq, ən yüksək pilləsinə qoydu. Baxışlarını Miraya verərək gözlərinə diqqətini cəmlədi. Bir az alt dodağını dişlərinin arasına alıb sıxdıqdan sonra, sıxıntı ilə dolu nəfəsini buraxıb, başını uzun müddətdən sonra Nemana çevirdi. Nemanın sərt, amma bir o qədər də diqqətli nəzərlərini görüb, qaşlarını çataraq nə etməyə çalışdığını öyrənmək istədi. Nemanın bir salisədə gözünü səs qurğusuna çəkməsi ilə Miray baxışlarını ən yüksək pilləsində oxuyan səs qurğusuna yönləndirdi. Ardından yanan gözlərini önəmsəməyərək, qarşısına dönüb azca aşağı əyilərək ayaqqabılarını çıxardı. Ayaqlarını qarınına çəkib, qolları ilə