qarşısını alması ilə baxmaqla kifayətləndi.
Miray artıq həqiqətən Nemana nifrət etmişdi, parçalanmış qəlbini hissələrə ayıraraq qırıq-qırıq etmişdi. Arxasını dönərək, qapını açıb, üç pilləli daş pilləkənləri düşərək cığırın izi ilə maşına doğru irəlilədi. Qabaq qapısını açıb, əyləşərək, qollarını belinə dolayıb, başını oturacağın yastığına dayadı. Gözündən axan yaşı köynəyinin qolu ilə silərək, iç çəkdi. Barmaqlarını boyununda sızlayan yerə sürtdükdə qabarıqlaşma barmaqlarının altını qıcıqlandırdı. Sürücü qapısının açılması ilə köynəyinin üçkünc sinəsini yuxarı doğru çəkişdirdi, ancaq örtmədiyindən, əlləri ilə arxaya tökülən saçlarını iki yerə ayırıb boyununu gizlətdi. Ortama çökmüş sükutu nə Miray, nə Neman pozmayaraq maşını işə salıb torpaq yolda həkk olunaraq iz buraxmış cığırla irəlilədilər...
***
**
Ayşulə dünən Neman və Xəzərin ucbatından atasından, anasından söz eşitmiş, üstəlik bu gündə elə davranmışdılar ki, sanki onu görmürlərmiş kimi. Buna qanı qaralaraq səhər yeməyi etmədən vaxtından tez xəstəxənaya gəlmişdi.
Öz xəstəxanaları olsa da, anası bir dəqiqə boş qalmasına imkan vermir, əksinə digər rezidentlərdən çox işləyirdi. Əllərini qəhvəyi dalğalı saçlarının arasından keçirib, ağızına tutuşdurduğu qələmlə, dağınıq topuzunu bərkitdi. Bir iki tutam gözünün üstünə düşdüyündən, qıcıqlanaraq: "Offf..." - deyə ah-uf etdi. Qarşısına çıxan birgə çalışdığı rezident Banu ilə salamlaşıb, cərrahiyyə otağına üz tutmaq istədikdə, Banunun səsi ilə ayaq saxladı: "Ayşulə, xəstəxananıza cərrahiyyə üzrə bu gün yeni uzman həkim gələcək" - deyib bilmiş-bilmiş gülümsündü.
Ayşulə sevinərək: "Doğrudan???? Nə yaxşı" - deyərək, qəmzələrini ortaya çıxardı.
Banu başını sallayaraq: "Ancaq, təkcə uzman gəlməyəcək, bir rezidentdə gələcək. Bu o da deməkdir ki, işlərimizdən ona da pay düşəcək" - deyib, narazılıqla başını yellədi.
Ayşulə etiraz edərək: "Əlbəttə ki, xeyr. Əvvəlcədən araşdırdığım xəstələrə, sona qədər də özüm baxacam" - deyərək, əllərini ağ xalatının cibinə qoydu.