. Toğrul tanımadığı bu qızın üzünü oxşayan isti nəfəsi ilə, incə barmaqlarının toxunuşu ilə rahatlanıb gözlərini qapadı. Saçının bir hissəsinin burununa toxunması ilə, sevdiyi o yasəmən qoxusu keçmişi xatırladaraq beyinində siqnal düyməsini işə saldı. Anasının saçlarının ətri gəlirdi. Ayşulə yara ilə məşğul olarkən beyinində 'Görəsən bu hansı həkimdir? Heç görməmişəm. Bəlkə bu gün gələn Banu deyən uzmandır? Yox daha, belə manken kimi uzman olar! Yəqin elə rezidentdir. İlk gündən biabır oldum. Ancaq daha elə edərəm ki, gözünə görünmərəm' düşüncələrini keçirib, yara bandını alınına-gicgahına yapışdırdı. Geri çəkilərək: "Bitdi" - zəif tonda deyib, əlcəklərini çıxardı. Toğrul qolundakı saata baxıb əməliyyata 20 dəqiqə qaldığını görərək, heç bir şey demədən ağır addımlarla otaqdan çıxdı. Ayşulə isə arxasınca təəccüblə baxaraq: "Mədəniyyətsizə bax. Bir təşəkkürdə etmədi" - deyərək, heyifisləndi.
***
Nemanın maşını villadan bir az kənarda saxlaması ilə Miray ətrafa baxıb, maşının qapısının qulpuna əlini ataraq açmaq istəsə də, qapıların kilidli olduğunu görüb, baxışlarını Nemana yönləndirərək, gözlərinə baxmamağa çalışdı.
Neman etdiyi hərəkətlə Mirayı həqiqətən incitdiyini anlayıb, peşmanlıqla gözlərini Miraya dikdi. Ancaq Mirayın qəzəbli gözlərinin gözünə zilləndiyini görməyib, fikrini özünə çəkmək məqsədi ilə biləyinə toxunmaq istəsə də, Mirayın ani hərəkətlə biləyini özünə tərəf çəkməsi ilə halqa halını almış göyərən biləyinə baxıb, çənəsini əsəbdən titrətdi. Üzünü əks istiqamətə çevirməsi ilə, daha da əsəbləşib sükanı qavrayan barmaqlarını sıxaraq, qanın barmaq uclarına hücum etməsinə gözlərini dikdi. Hirslə nəfəsini verib nöqtəyə toxunaraq qapıların kilidini açdı. Miray kilid düyməsinin qalxmasını görüb, arxasına belə baxmadan, qəzəbini qapıdan çıxardaraq sərt şəkildə çırpıb, villaya doğru irəlilədi.
Gözlərini qapıdakı ona tərəf baxan qorumalara çevirib, dəmir qapının yanına yaxınlaşanda artıq açılmış qapı ilə villanın girişinə gedərkən, saçları ilə boyununu