KEÇMİŞDƏN GƏLƏN LƏKƏLƏR...
BÖLÜM 10.
YAZAR: ANİSA S-VA.
***
Miray otağında çarpayısında əyləşərək, azca başını aşağı doğru əyib əlləri ilə oynayırdı. Zəif görüntüsündən hər kəsin yararlanmasından təngə gəlmişdi. İnsanların həqiqətən küt beyin olduğu qənaətinə varmasının təsdiqi bu gün Neman tərəfindən doğrulanmışdı. Başını qaldıraraq əsəbdən bir əlini belinə qoyub, digər əli ilə də dodaqlarını didən Dilaya baxdı. Dilayın baxışlarını çevirib bir-iki saniyə ona gözlərini zilləməsi ilə başını pəncərə tərəfə döndərdi. Bir müddət sonra əllərinə toxunan incə əllərlə diqqətini qarşısında dizini qatlayaraq əyləşən Dilaya verdi.
Dilayın: "Miray, əgər həqiqətən də o əclaf sənə təcavüz edibsə, onu da onun özü kimi əclafdan betər əmisi oğlunuda diri-diri basdıraram!" - deyərək, əllərini sıxdı.
Miray gözlərini qaçırıb, nə qədər çətin olsa da, başı ilə inkar etdi. Ancaq qəlbinin necə qırıldığını izah etmək imkanı olsa belə, bu müddət üçün o bacarığını itirib izah edə bilməzdi. Neman bəlkə də ona təcavüz etsə bu cürə qəlbi qırılmazdı. Hıh necə də ironikdir? Lakin həqiqətdir. Ona dəstək verib, ağuşuna sığındırıb göz yaşlarını dayandıran adam səhərisi gün başqalarının fikrini önəmsəyib 'iz' buraxmaq adı ilə belə bir iyrənc hərəkətə yol vermişdi. İstədiyinə nail də olmuşdu, iki tərəfli iz buraxmışdı. Bəlkə boyununda, biləklərindəki izlər ən geci 2 həftəyə gedərdi, amma qəlbindəki izi? Onu necə siləcəkdi? Necə içərisindəki pas bağlayan izlərin üzərinə düşən izi təmizləyəcəkdi ki? Miray ən çox özünə əsəbiləşirdi, öz axmaqlığının ucbatından indi acı çəkirdi. Nə bilmişdi? Heç kimin ona dəyər vermədiyi bu saxta dünyasında hələ üzünü cəmi 2-3 dəfə görmüş, ona qəzəbinə görə yaxınlaşan bir yadın önəmsəməsini mi?
Yanaqlarını ovuclayan əllərlə baxışlarını Dilaya yetirib: "Miray, cavab ver, xahiş edirəm. Əgər sənə təcavüz etməyibsə, bəs bu boyununun biləklərinin vəziyyəti nədir?" - dediyini oxudu.
Dərin havanı içinə çəkib, gözlərini qapayıb, əllərini qaldıraraq: "Sadəcə, iz buraxmaq