indi necə olacaq?" - təəssüflə soruşdu.
Xaliq bəy əllərini qaldırıb Nemanı göstərərək: "Necə olacaq ki? Sənin ucbatından nə hallara düşdük! Neman, sənə son xəbərdarlığımı edirəm! Bir daha Miray Poladovanın bir metr belə yaxınına yanaşmayacaqsan! Söhbət bağlandı! Bunu bir əmr kimi qəbul et! Yoxsa heç yaxşı şeylər olmayacaq!" - deyərək, Nemanın qəzəbinin damarlarına dırmanmasına imkan yaratdı...
***
5 gün sonra...
Ayşulə artıq Poladovlarla baş verən onun bildiyi qədərlə kökü heç bir yerə getməyən söz-söhbətlərdən boğaza qədər yığılmışdı. Deyinərək: "Heç bilmirlər, nə üstə bir-birləri ilə mübarizə edirlər. Özümü lap William Shakespeare' nin 'Romeo və Cülyetta' sında hiss etdim. Məğzi heç bir yerə getməyən, ancaq adət-ənənəyə çevrilmiş 16-ci əsrin Kapuletti və Montekki davalarını 21-ci əsrdə Alıyevlər və Poladovlar əvəz edib! Hahhh nə gözəl!" - öz-özünə danışaraq kolidorda irəlilədi. Anasının çağırışı ilə otağına getmiş, ancaq verdiyi xoş xəbərə sevinmək istədikdə sevinci qursağında qalmışdı. Səhvi olmadan günahlandırılırdı və danışmasına imkan vermirdilər. Çiyinlərini düşürərək: "Eybi yox, Ayşulə. Kefini heç pozma! Xoşbəxt olacağln bir səbəb varkən nə dodaq sallayırsan! Yeni gələn məşhur uzman cərrahın assistantı olmusan. Daha nə istəyirsən?!" - içindən keçirərək zorla gülümsündü.
***
Toğrul yuxusuzluqdan başına girən ağrı ilə üzünü turşudub, əlindəki qovluğa baxaraq rezidentlərin dayandığı masaya doğru irəlilədi. Səsini təmizləyib: "Mənim assistantım kimdir?" - sualı ilə bütün diqqəti öz üzərinə çəkdi.
Səsi o qədər sərt çıxmışdı ki, hər kəsin qorxudan yerinə çəkilməsini bir mənalı qarşılamayıb: "Biri cavab verməyəcək?!" - sözləri ilə Banu çəkinərək: "Toğrul bəy, sizinlə gəldiyiniz gün beyin əməliyyatına girən qız" - dedikdə, Toğrul əsəbiləşib: "Mənimlə heç kim beyin əməliyyatına girməyib! Həmin gün assistantsız əməliyyatı həyata keçirmişəm" -tərs-tərs ona baxdığını görən Banu dodaqlarını dişləyib, qorxudan həyəcanlanaraq əlləri ilə üzünə hava verdi.
Ayşulə