bitirmişdim. Ancaq, hal -hazırdakı sənətimi sevirdim. Memarlıq tam da mənlik iş idi.

"Biraz çalışqan ola bilərəm" - təvazökarlıqdan uzaq şəkildə dilləndim.

"Çalışqan insanları sevirəm və onlara hər zaman güzəştə getməyə çalışıram. Elə bunu isbat etməyin üçün səninlə müqavilə bağlayacağıq. Bunu aramıza daxil olmağın üçün bir şans düşün" - olduqca təmkinlə dilləndi. Bu sözləri ilə içimdə sakitləşmiş həyəcan yenidən baş qaldırdı. Görəsən necə bir iş olacaq? Öhdəsindən gələ biləcəm?

"Narahat olma, bacaracağına əminəm" - dilləndi sanki düşüncələrimi oxumuş kimi. Bu sözlərinə süni tərzdə gülümsəyib həyəcandan sıxdığım əlimi sərbəst buraxdım.

"Bildiyin kimi Qəbələ artıq öndəgedən turizm mərkəzlərindən birinə çevrilib. Çox uzatmağı sevmirəm, səndən oradakı bütün istirahət və əyləncə komplekslərini geridə buraxacaq layihə hazırlamağını istəyirəm. Hər şeyi sənin xəyal gücünə həvalə edirəm. Ağlında nə çılğınlıq varsa heç çəkinmədən bunun üzərində tətbiq edə bilərsən" - içimdən sevinc qışqırıqları atmağa başladım.İnana bilmirəm...Hər şey sıfırdan və mənim öhdəmdə...Universitet dövründə reallaşdırmaq istədiyim xəyallarımın gerçək olma ehtimalı var...!

"Üç həftə vaxtın var" - Arif bəyin səsi ilə düşüncələrimdən ayrıldım. Üç həftə az deyil? Etiraz etsəm mənə verilən bu şansı itirəcəkdim. Elə bir fikrim qətiyyən yox idi. Eybiyox, üç həftə dedisə, mən də üç həftəyə hazır edərdim
.
"Artıq şirkətdə sənə bu müddət ərzində işləməyin üçün otaq ayrılıb".

"Təşəkkürlər "- gülümsədim.

"Ancaq burada işlədiyin müddətdə iş vaxtına əməl etməlisən. Qayda-qanun hər kəs üçün keçərlidi".

"Əlbəttə" - cəld başımı təsdiqləyəcək tərzdə salladım. Əlinə sağdakı telefonu alıb nömrə daxil etdi. Qarşıdan cavab gəlmiş olacaq ki,

"Sənan bəyi otağıma çağır" - deyib dəstəyi asdı. İki dəqiqə keçməmiş qapı döyüldü və sarışın, eləcə də gənc oğlan görüş mərkəzimə girdi.

"Salam, məni çağırmısınız" - içəri daxil oldu və məni görməsi ilə gülümsəyib başı ilə salamladı.

"Salam,